ბრიტნი სპირსი შუა ფრენის დროს თვითმფრინავში სიგარეტის მოკიდების ინციდენტს ეხმაურება მას შემდეგ, რაც ის მსოფლიო ყურადღების ცენტრში მოექცა.
43 წლის პოპვარსკვლავმა სიგარეტს საზოგადო ჩარტერული რეისის ბორტზე მოუკიდა, რომლის ჩაქრობაც მას ბორტგამცილებელმა მოსთხოვა. თვითმფრინავში მოწევა ფედერალური ავიაციის რეგულაციების დარღვევაა. ინციდენტის შემდეგ ოფიციალურმა უწყებებმა სპირსს გაფრთხილება მისცეს.
გადმოცემით, მომღერალი დაცვასთან ერთად მექსიკიდან ლოს-ანჯელესში მიფრინავდა. მეორე დღეს სპირსი ინციდენტს ინსტაგრამზე გამოეხმაურა და ამბის მისეული ვერსია დაწერა.
„მე გუშინ!!! რეალურად ეს წარმოუდგენლად სასაცილოა!!!” – წერს მომღერალი და ფრენის დროს გადაღებულ ვიდეოს აქვეყნებს. „ზოგ თვითმფრინავში, რომელშიც ვყოფილვარ, უმეტესად ნებადართულია მოწევა, მაგრამ ეს განსხვავებული აღმოჩნდა, რადგან სასმლის სადგამები სკამების გარეთ იყო!!!”
„ვაღიარებ, რომ ეს პირველი შემთხვევა იყო, როცა არაყი დავლიე!!! და ვფიცავ, რომ ძალიან გონებაგახსნილი გავხდი! შემდეგ ვთქვი, რომ ძალიან მინდოდა სიგარეტი!!! ჩემმა მეგობარმა მომაწოდა და მე მოვუკიდე, რადგან ვიფიქრე, რომ ეს ის თვითმფრინავია, სადაც მოწევა შეიძლება!!!”
სპირსმა საკუთარი საქციელისთვის ბოდიში მოიხადა, თუმცა აღნიშნა, რომ ოფიციალური უწყებებისთვის მიმართვა „ზედმეტი” იყო. მომღერალი ამბობს, რომ ბორტგამცილებელი „უცნაურად” იქცეოდა და ამტკიცებს, რომ ის მის პირად სივრცეში შეიჭრა.
„ბოდიშს ვუხდი ყველას, ვისაც შეურაცხყოფა მივაყენე, მაგრამ ბორტაგმცილებლები ყოველთვის უპატივცემულოდ მექცევიან! და ვიფიქრე, რომ ოფიციალური უწყებები მხარს დამიჭერდნენ! არასდროს ვყოფილვარ საერთაშორისო აეროპორტში!
ბორტგამცილებელმა უწყებებს მიმართა, რადგან სიგარეტი მოვწიე! და დამამცირა, რაც, ჩემი აზრით, ზედმეტი იყო. თვითმფრინავში არავინ იმყოფებოდა პირველი 20 წუთის განმავლობაში, ის კი უფლებას არ მაძლევდა, სკამიდან ავმდგარიყავი! ძალიან უცნაურად იქცეოდა, რომ ადგილი არ დამეტოვებინა. არ მომეწონა, როგორ შემიკრა უსაფრთხოების ქამარი და შემოიჭრა ჩემს პირად სივრცეში!!!”
