Billboard Georgia Stage-ის ახალი სეზონი დაიწყო. პროექტის ფარგლებში მსმენელებს საშუალება ეძლევათ, დაესწრონ ქართველი და უცხოელი შემსრულებლების ლაივ პერფორმანსებს. ამჯერად Republic-ის სცენაზე ამერიკელმა არტისტმა MonoNeon-მა დაუკრა.
ღონისძიების პარტნიორი იყო SOLO, ხოლო გენერალური მხარდამჭერი – Club Iveria. კონცერტი ტრადიციულად Eastern Promotion-თან თანამშრომლობით გაიმართა.
MonoNeon იმპროვიზაციული დაკვრის გამორჩეული სტილით არის ცნობილი. წლების განმავლობაში თანამშრომლობდა ისეთ არტისტებთან, როგორებიც არიან Prince, მაკ მილერი, Nas, ბუსტი კოლინსი, ჯუდით ჯილო, ჯეიკობ კოლიერი და სხვები.
მისი სცენური იმიჯიც ისეთივე დასამახსოვრებელია, როგორც მუსიკა. არტისტი ამჯერადაც მისთვის დამახასიათებელი იმიჯით წარდგა ,,რესპუბლიკის” სცენაზე, რამაც შესაბამისი ატმოსფერო შექმნა.
აღსანიშნავია, რომ MonoNeon ბასზე მარცხენა ხელით უკრავს, რაც მის ტექნიკას განსაკუთრებით უნიკალურს ხდის.
ნახეთ ვიდეო MonoNeon-ის კონცერტიდან:
