დადა დადიანი, ქართული ალტერნატიული მუსიკის ერთ-ერთი პიონერი, 59 წლის ასაკში გარდაიცვალა.
ქართულ მუსიკალურ სცენაზე დადა დადიანი 80-იან წლებში გამოჩნდა. მან შექმნა ჯგუფი „ტაქსი”, რომლის ფარგლებშიც 1988 წელს ჯგუფის სადებიუტო და ერთადერთი ალბომი გამოიცა. 1992 წელს დადიანი ქმნის ახალ პროექტს „საბავშვო მედიცინა”, რომელშიც მონაწილეობდნენ ირაკლი ჩარკვიანი და ჯგუფ „რეცეპტის” ბასისტი კახა გუგუშვილი.
1993 წელს მუსიკოსმა საქართველო დატოვა და საცხოვრებლად ლონდონში გადავიდა. წასვლამდე მან ჩაწერა პროექტი Georgian Dance Empire ბიბი კვაჭაძესთან, სერგი გვარჯალაძესთან, გოგი ჭილაშვილთან, კახა გუგუშვილთან და ხათუნა მანაგაძესთან ერთად. ექსპერიმენტული და ინოვაციური პროექტი ქართულ ფოლკლორსა და დასავლურ მუსიკას აერთიანებს.
დადა დადიანი საქართველოში 2020 წელს დაბრუნდა.
