ალექს უორენის ჰიტი Ordinary Billboard Hot 100-ის სათავეში კვლავ დაბრუნდა და მესამედ დაიკავა პირველი ადგილი. ეს არის ავტორ-შემსრულებლის პირველი სიმღერა, რომელმაც Hot 100-ის ლიდერობა მოიპოვა. Ordinary-მ კვლავ დაიკავა პირველი ადგილი მას შემდეგ, რაც ერთი კვირით სათავეში საბრინა კარპენტერის ჰიტმა Manchild-მა ჩაანაცვლა. კარპენტერისთვის ეს მეორე ჰიტია, რომელმაც ჩარტის პირველი ადგილი დაიკავა. მეორე კვირის მონაცემებით, სიმღერამ მეორე პოზიციაზე გადაინაცვლა.
პარალელურად, Ordinary რადიოში ყველაზე ხშირად გაჟღერებული სიმღერა გახდა. კომპოზიცია, რომლის ავტორიც თავად უორენია, მეოთხე კვირაა, ლიდერობს Adult Pop Airplay-ს სიაში და მეორე კვირაა, პირველი ადგილს იკავებს Pop Airplay-ში. ამასთან, ის ათეულშიც შედის Adult Contemporary-ის ჩარტში, სადაც ტრეკი მე-11-დან მე-8 ადგილზე დაწინაურდა. Ordinary-მ Radio Songs-ზე Doechii-ს სიმღერას – Anxiety-საც გადაუსწრო, რომელიც წინა ხუთი კვირის განმავლობაში ლიდერობდა და მაისში Hot 100-ის მეცხრე ადგილსაც მიაღწია.
იხილეთ კვირის ჩარტის ტოპ 10 სიმღერა.
Hot 100 მოიცავს ამერიკის მასშტაბით სხვადასხვა ჟანრის სტრიმინგს: ოფიციალური აუდიო და ვიდეო, რადიოს ეთერებისა და გაყიდვების მონაცემებს. გაყიდვების ნაწილში მხოლოდ ისეთი პლატფორმებია გათვალისწინებული, რომლებიც სრულ ინტერაქციულ სერვისს სთავაზობენ მომხმარებლებს, რაც იმას ნიშნავს, რომ D2C პლატფორმებიდან გაყიდვები ამ სტატისტიკაში არ შედის. სტატიაში განხილული ჩარტი, დათარიღებულია 2025 წლის 28 ივნისით და მისი მონაცემები Billboard.com-ზე 24 ივნისს განახლდება.
რაც შეეხება Billboard-ის მონაცემების მიმწოდებელ Luminate-ს, კომპანია სისტემატურად ამოწმებს ყველა მონაცემს, რომელიც ჩარტების შედგენისას გამოიყენება. საეჭვო ან დაუდასტურებელი ინფორმაცია ჩარტის საბოლოო გამოქვეყნებამდე იშლება და შედეგებზე გავლენას ვერ ახდენს.
