Doechii-მ და Tyler, the Creator-მა პარიზში, Louis Vuitton-ის 2026 წლის კოლექციის ჩვენებაზე ახალი ერთობლივი ტრეკი Get Right წარადგინეს, რომლის პროდიუსერიც ფარელ უილიამსია.
Doechii-მ და ფარელმა 2025 წლის Met Gala-ზეც ითანამშრომლეს, სადაც რეპერი Louis Vuitton-ის კოსტიუმით წარდგა. Doechii-ს თქმით, ეს იმიჯი ძლიერად იყო შთაგონებული მონიკა ელ მილერის წიგნით Slaves to Fashion: Black Dandyism and the Styling of Black Diasporic Identity. ეს სწორედ ის წიგნია, რომელმაც წელს Met Gala-ს თემა განსაზღვრა. Doechii ღონისძიების საპატიო კომიტეტის ერთ-ერთი წევრი იყო. ფარელი კი, A$AP Rocky-სთან, კოლმან დომინგოსა და ლუის ჰამილტონთან ერთად – ღონისძიების თანაორგანიზატორი.
Get Right ტაილერთან ერთად Doechii-სთვის უკვე მეორე კოლაბორაციაა. არტისტებმა პირველად ერთად იმუშავეს ტაილერის 2024 წლის ალბომის, Chromakopia-ს ფარგლებში, რომელიც Billboard 200-ის სათავეში მოხვდა. მათი ერთობლივი ტრეკი Balloon მუსიკალურ ჩარტებშიც მოხვდა და Billboard Hot 100-ის 56-ე პოზიცია დაიკავა. 2024 წლის ნოემბერში კი, Camp Flog Gnaw ფესტივალზე, როცა Tyler, the Creator-ის ჰედლაინერი იყო, არტისტები სცენაზეც ერთადაც გამოჩნდნენ. Nardwuar-ისათვის მარტში მიცემულ ინტერვიუში ტაილერმა Doechii-ს მიმართ აღფრთოვანება გამოხატა: „ის გენიალურია! მიყვარს. ის სხვა პლანეტიდან არის, ნამდვილი უცხოპლანეტელია”
Louis Vuitton-ის ჩვენებაზე ფარელის პროდიუსერობით შექმნილი კიდევ ერთი ტრეკი – Clipse-ის So Be It Pt. II გაჟღერდა. სტუმრების რიგებში იყვნენ ბიონსე, ჯეი ზი, J-Hope, Future და სხვა ვარსკვლავები. ჩვენების ბოლოს ფარელმა ბიონსეს პირდაპირ პოდიუმიდან აჩუქა ჩანთა. აღსანიშნავია, რომ ბიონსემ პარიზში Cowboy Carter-ის ტურის სამი კონცერტი გამართა.
