დუა ლიპამ Radical Optimism-ის ტურნეს ევროპული ნაწილი დუბლინის კონცერტით დაასრულა. ბოლო შოუზე კი პროგრამას ირლანდიის ერთ-ერთი ყველაზე დიდი მუსიკოსის, შინეიდ ო’კონორის სიმღერა დაამატა.
პოპვარსკვლავმა მაყურებელს ამცნო, რომ ო’კონორის პატივსაცემად Nothing Compares 2 U-ს შეასრულებდა. გულშემატკივრის მიერ გადაღებულ ვიდეოში მომღერალი ამბობს, რომ მისთვის პატივია, აღნიშნული სიმღერა შეასრულოს და მაყურებელს სთხოვს, ის მასთან ერთად იმღერონ.
შინეიდ ო’კონორი, რომელიც წარმოშობით სწორედ დუბლინიდან იყო, 2023 წელს გარდაიცვალა. „პრინცის” მიერ დაწერილი Nothing Compares 2 U-ს მისი შთამბეჭდავი ვერსია ოთხი კვირის განმავლობაში Billboard Hot 100-ის ლიდერი იყო და სათავე დაუდო ალბომს I Do Not Want What I Haven’t Got, რომელიც იმავე წელს Billboard 200-ის პირველ ადგილზე გავიდა.
დუა ლიპას დუბლინის სიურპრიზი მოჰყვა ლონდონის კონცერტს, სადაც ასევე მაყურებლისთვის მოულოდნელად მომღერალს სცენაზე შეუერთდნენ Jamiroquai (სიმღერით Virtual Insanity) და Charli xcx ( სიმღერით „360”).
პოპვარსკვლავის ტურნე სექტემბერში ჩრდილოეთ ამერიკაში გაგრძელდება.
ნახეთ დუა ლიპას მიერ Nothing Compares 2 U-ს შესრულების ვიდეო:
