30 ივნისს ავსტრალიაში ჩატარებული ტურნეს დასკვნით კონცერტზე კეტი პერიმ აუდიტორიას ემოციური სიტყვებით მიმართა და ცრემლები ვერ შეიკავა. აღსანიშნავია, რომ რამდენიმე დღით ადრე ის მსახიობ ორლანდო ბლუმს დაშორდა. წყვილს ცხრაწლიანი ურთიერთობა აკავშირებდა.
ვიდეოში, რომელიც კონცერტიდან გავრცელდა, კეტი პერი გულშემატკივრებისადმი მადლიერების გამოსახატად ხელებით გულს გამოსახავს: „მადლობა მუდამ ჩემ გვერდით ყოფნისთვის, ავსტრალია. ეს ჩემთვის ძალიან მნიშვნელოვანია.” – ამბობს თვალცრემლიანი კეტი პერი.
ადელაიდში ჩატარებული კონცერტი კეტი პერის ავსტრალიაში გამართული კონცერტების სერიის დასკვნითი საღამო იყო. მანამდე კი არტისტს კონცერტები სიდნეიში, მელბურნში, ბრიზენბესა და პერფში ჰქონდა.
26 ივნისს გამოცემა People-ის მიერ გავრცელებული ინფორმაციის თანახმად, კეტი პერი და ორლანდო ბლუმი თითქმის ათწლიანი ურთიერთობის შემდეგ დაშორდნენ. წყვილი 2019 წელს დაინიშნა, 2020-ში კი ქალიშვილი დეიზი შეეძინათ.
პერისა და ბლუმის განშორების შესახებ ჭორები რამდენიმე კვირაა, ვრცელდება, თუმცა მაისის ბოლოს Lifetimes-ის ტურნეს კონცერტზე მომხდარმა ერთმა ეპიზოდმა განსაკუთრებული მითქმა-მოთქმა გამოიწვია. ნევადაში გამოსვლისას კეტი პერიმ ხუმრობით მიმართა გულშემატკივარს: ,,თუკი ჩემი კაცისთვის მესიჯების წერა არ შეგიწყვეტია, დაგბლოკავ. სერიოზულად ვამბობ. გირჩევ, სხვა მხარეს გაიხედო, მე მისი მეუღლე ვარ.”
კეტი პერის ტურნე ჩრდლოეთ ამერიკაში 10 ივლისს დენვერში გაგრძელდება. ამის შემდეგ კი მომღერალი ევროპაში, ლათინურ ამერიკასა და აზიაში გადაინაცვლებს. საბოლოოდ ტურნე 7 დეკემბერს არაბთა გაერთიანებულ საამიროებში დასრულდება.
