სპაიკ ლის ფილმი Highest 2 Lowest 22 აგვისტოს გამოვა. ამასთან დაკავშირებით ცნობილი რეჟისორი Tonight Show-ს ესტუმრა.
ჯიმი ფელონთან ინტერვიუს დროს ლიმ A$AP Rocky-ს სამსახიობო უნარები შეაქო და აღნიშნა, რომ მან ღირსეულად გაართვა თავი დენზელ ვაშინგტონთან ერთად თამაშს ახალ კრიმინალურ თრილერში.
„დიახ, სათანადოდ დააფასეთ A$AP. ფილმში დენზელი და როკი ერთ დონეზე არიან. საინტერესო ისაა, რომ სანამ ამ ფილმით დავკავდებოდი, ყოველთვის ვფიქრობდი, რომ A$AP ისე გამოიყურებოდა, შესაძლოა, ის დენზელის ვაჟი ყოფილიყო. ძალიან დიდი მსგავსებაა. ასე რომ, როცა ამას ეკრანზე ხედავ, ეს კიდევ უფრო ამძაფრებს მამა-შვილის ქიმიას.”
ლი, რომელსაც ოსკაროსან მსახიობთან არაერთ ფილმზე უმუშავია, იხსენებს შემთხვევებს, როცა სხვადასხვა მსახიობს დენზელთან ერთად სცენების თამაში გასჭირვებია. „ხუთი ფილმი მაქვს გადაღებული დენზელთან ერთად და ხშირად ყოფილა, როცა მისი პარტნიორები უბრალოდ დაჩრდილულან მის გვერდით. ის დღეს ერთ-ერთი ყველაზე დიდი ცოცხალი ლეგენდაა. მაგრამ A$AP-ს ეს არ დაემართა. ისინი თანაბრად მიდიოდნენ.”
Highest 2 Lowest აკირა კუროსავას 1963 წლის High and Low-ს ადაპტაციაა. ფილმში როკი დენზელის პერსონაჟის ვაჟს ასახიერებს, სახელად იანგ ფელონს, რომელიც მომავალი რეპერია. ვაშინგტონის გმირს კი ხმის ჩამწერი ლეიბლი აქვს.
ნახეთ ჯიმი ფელონთან სპაიკ ლის სტუმრობის ვიდეო:
