დონალდ ტრამპი კიდევ ერთხელ საუბრობს შონ კომბსის შეწყალებაზე. ახალ ინტერვიუში პრეზიდენტს ჰკითხეს, განიხილავდა თუ არა რეპერის შეწყალებას, რომელიც ივლისის თვეში დამნაშავედ ცნეს პროსტიტუციაში, თუმცა გაამართლეს სხვა, უფრო მძიმე ბრალდებებში, მათ შორის სექსტრეფიკინგსა და რეკეტში.
„ვფიქრობ, ის, ასე ვთქვათ, ნახევრად უდანაშაულო იყო,” – აღნიშნა ტრამპმა. „ის ისევ საპატიმროშია, თუმცა გამარჯვებას ზეიმობდა. მგონი, ეს არ არის გამარჯვება.”
ტრამპმა ასევე ისაუბრა ყოფილ ურთიერთობაზე კომბსთან და აღნიშნა, რომ ერთ დროს ისინი მეგობრობდნენ და ერთმანეთს კარგად ეწყობოდნენ. თუმცა ეს ტენდენცია შეიცვალა, როცა ის პოლიტიკაში მოვიდა, რის შემდეგაც, ტრამპის თქმით, Diddy მას „მტრულად” მოეკიდა.
ეს არ არის პირველი შემთხვევა, როცა ტრამპი კომბსის საქმეზე საუბრობს. მაისში ოვალურ ოფისში გამართულ პრესკონფერენციაზე მას ჰკითხეს, განიხილავდა თუ არა რეპერის შეწყალებას. მაშინ პრეზიდენტმა თქვა, რომ გადაწყვეტილების მიღებისას ფაქტებს დაეყრდნობოდა.
„მასთან წლებია არ მისაუბრია,” – თქვა ტრამპმა. „ერთ დროს ძალიან მოვწონდი. ვფიქრობ, როცა პოლიტიკაში მოვედი, ეს ურთიერთობა მაშინ შეიცვალა… აუცილებლად ფაქტებს დავეყრდნობი. თუ ვფიქრობ, რომ ვიღაცას უსამართლოდ ექცევიან, მოვწონვარ მას თუ არა, ამას ჩემზე გავლენა არ აქვს.”
კომბსის ვერდიქტის გამოცხადების შემდეგ რეპერი 3 ოქტომბერს განაჩენის გამოცხადებას ელოდება, რომელიც 0-დან 20 წლამდე პატიმრობას ითვალისწინებს.
ნახეთ ტრამპის პასუხი Diddy-ს შეწყალებაზე:
Q: Sean Diddy Combs. Would you consider pardoning him?
— Acyn (@Acyn) August 2, 2025
Well, he was essentially, I guess, sort of half innocent. Probably— I was very friendly with him but when I ran for office he was very hostile and it’s hard. So, I don’t know, it’s more difficult.
Q: More likely a no?… pic.twitter.com/FrrzquR6qs
