ლოს-ანჯელესის კონცერტზე გრეისი აბრამსმა შეასრულა სიმღერა, რომელიც მას არ ეკუთვნოდა, თუმცა ფანებმა ტექსტის თითოეული სიტყვა ზეპირად იცოდნენ.
Secret of Us Tour-ის ფარგლებში ავტორ-შემსრულებელმა მაყურებელი მოულოდნელად ტეილორ სვიფტის სიმღერის, All Too Well (10 Minute Version)-ის შესრულებით გააკვირვა.
„დღეს დილას ვესაუბრე,” – თქვა აბრამსმა სვიფტზე. „ვაცნობიერებ, რომ ის, რომ ბევრი ჩვენგანი დღეს ერთმანეთს ვიცნობთ, სწორედ Eras Tour-ის დამსახურებაა, სადაც ბევრ თქვენგანს შევხვდი. მუდმივად მენატრება ის გამოცდილება. ვიცი, რომ ყველანი ასე ვართ… 10 წუთი თუ გაქვთ, მინდა, შეგისრულოთ სიმღერა, რომელსაც სულ ვისურვებდი, რომ მე დამეწერა,” – აღნიშნა აბრამსმა.
მომღერალმა სრულად შეასრულა სვიფტის Billboard Hot 100-ის ლიდერი სიმღერა. აუდიტორია კი სიმღერის ტექსტის თითოეულ სიტყვას მასთან ერთად მღეროდა.
სვიფტის ორწლიანი ტურნე 8 თვის წინ დასრულდა. ტურის ჩრდილოამერიკულ კონცერტებზე კი გამხსნელ აქტს სწორედ აბრამსი ასრულებდა. 2023 წელს ის ასევე მონაწილეობდა ტურნეს საწყის შოუებში.
აბრამსისა და სვიფტის მეგობრობა იმგვარად განვითარდა, რომ საბოლოოდ მათ ითანამშრომლეს სიმღერაზე Us, რომელიც შედის აბრამსის ალბომში The Secret of Us.
ამჟამად აბრამსის ტურნე დასასრულს უახლოვდება. მუსიკოსს სულ 5 კონცერტი დარჩა, სანამ Secret of Us ტური საბოლოოდ 27 აგვისტოს მეხიკოში დასრულდება.
ნახეთ გრეისი აბრამსის მიერ შესრულებული All Too Well (10 Minute Version):
