SZA და დრიუ ბერიმორი ერთმანეთის მხარდაჭერას არ წყვეტენ წლების შემდეგაც კი, რაც, მუსიკოსმა თავის სიმღერას მსახიობის სახელი დაარქვა.
ინსტაგრამ პოსტში ბერიმორმა მისი და გრემის მფლობელი არტისტის ფოტო გამოაქვეყნა, რომელიც სწორედ Drew Barrymore-ის ვიდეოკლიპის გადასაღებ მოედანზეა დაფიქსირებული. სიმღერა 2017 წელს გამოვიდა.
„გავიხსენოთ ეს დაუჯერებელი მომენტი,” – წერს ბერიმორი. „კიდევ ვერ ვიჯერებ, რომ ასეთი ლამაზი სიმღერა დაწერე და ჩემი სახელი დაარქვი! მსოფლიოში ყველაზე იღბლიანი გოგო ვარ! შენ კი დიდებული ხარ.”
8 წელზე მეტი გავიდა, რაც SZA-მ Drew Barrymore გამოსცა, როგორც მთავარი სინგლი მისი სადებიუტო ალბომიდან Ctrl, რომელიც Billboard 200-ის მე-3 ადგილზე გავიდა. მიუხედავად იმისა, რომ თავად სიმღერა არასდროს მოხვედრილა Billboard Hot 100-ში, ის ნელ-ნელა SZA-ს სავიზიტო და ფანების საყვარელ ნამუშევრად იქცა.
იანვარში მომღერალი The Drew Barrymore Show-ს სტუმრობდა, სადაც ბერიმორს პირადად აუხსნა, თუ რატომ დაარქვა სიმღერას მისი სახელი. „ერთ-ერთი იშვიათად საყვარელი თეთრკანიანი ქალი, რომელსაც ტელევიზორში ხშირად ვუყურებდი, შენ ხარ, რადგან ძალიან ბუნებრივი იყავი. შენი ღიმილი იდეალური იყო. მომწონს, როგორ საუბრობ და როგორი შენებურიც ხარ. სწორედ ამან მომცა საშუალება, რომ ვიყო ის, ვინც ვარ.”
საუბრისას ვარსკვლავებმა გაიხსენეს Drew Barrymore-ის ვიდეოკლიპის გადაღების პროცესიც. თავად ბერიმორს კლიპში ერთი, თუმცა ძალიან ძლიერი ეპიზოდი აქვს. მაშინ, როცა SZA გარეთ კიბეზე ზის და ცდილობს საკუთარი თავი ხელში აიყვანოს, სწორედ ამ დროს მისი ბავშვობის ვარსკვლავი ჩაუვლის და დამამშვიდებელ ღიმილს ჩუქნის.
„ძალიან ბედნიერი ვიყავი, რომ შენთვის იქ ყოფნა შემეძლო,” – დაამატა ბერიმორმა, რაზეც SZA-მ უპასუხა: “ვერ ვიჯერებდი, რომ ეს გააკეთე.”
