Billboard-ის პარასკევის მუსიკალური გზამკვლევი (Friday Music Guide) კვირის მნიშვნელოვან რელიზებს გთავაზობთ – იმ სიმღერებს, რომლებიც დღეს ყურადღების ცენტრშია და რომლებიც შემდეგი დღეების ფლეილისტების პოტენციური ლიდერია.
ნახეთ კვირის რჩეული რელიზები:
Doja Cat – Jealous Type
Doja Cat-ს მსმენელი იცნობს, როგორც მომღერალს და ასევე, როგორც რეპერს, თუმცა ახალ სინგლში – Jealous Type ის თითქოს ორ ეპოქას შორის დგას: სიმღერა მისი მომავალი ალბომიდან Vie 80-იანი წლების რიტმული პოპის გავლენების მატარებელია, თუმცა Doja მას თანამედროვე შტრიხებით ავსებს.
Laufey – A Matter of Time
Laufey-ს კარიერული გზა უნიკალურია – ჩინელ-ისლანდიელი მომღერალი, კომპოზიტორი და მულტიინსტრუმენტალისტი, რომელიც ჯაზს აცოცხლებს და კლასიკურ პოპს ოსტატურად ასრულებს. სწორედ ამიტომ არის მისი ახალი ალბომი A Matter of Time ასეთი გამორჩეული. ეს ალბომი არ ექვემდებარება არც ჟანრობრივ და არც ამბის თხრობის ჩარჩოებს და მათ საზღვრებს სცდება.
Sombr – I Barely Know Her
ამ არტისტის სინგლები – Back to Friends და Undressed ჰიტებად შემთხვევით არ ქცეულა: Sombr (ნამდვილი სახელი შეინ ბუზი) შესანიშნავად აერთიანებს პოპ-მელოდიებს გულწრფელ ვოკალურ ინტერპრეტაციასთან, რაც ალტერნატიული რადიოსადგურებისთვის იდეალური მასალაა. სადებიუტო ალბომში – I Barely Know Her მუსიკოსი მრავალ ჟანრს ეხება – საცეკვაო ფანკიდან დაწყებული, დამაფიქრებელი ფოლკ-ბალადებით დასრულებული.
BigXThaPlug – I Hope You’re Happy
I Hope You’re Happy დალასელი ჰიპ-ჰოპ ვარსკვლავის ნამუშევარია, რომლის ფარგლებშიც ის თანამშრომლობს: ჯელო როლთან, დარიუს რაკერთან, ლუკ კომბსთან და ელა ლენგლოსთან, ხოლო BigX ენერგიულ რეპ ვერსებს ასრულებს. I Hope You’re Happy არტისტის გულწრფელი, კომერციულად სიცოცხლისუნარიანი და სახალისო ალბომია.
Kid Cudi – Free
Kid Cudi-ს შემოქმედება ბევრ მიმართულებას მოიცავს, ამიტომ მისი ყოველი ახალი ალბომი საინტერესო სიახლეებით არის სავსე. ალბომი Free ამართლებს სახელწოდებას: სიმღერები სავსეა გამბედავი ტექსტებითა და მუსიკალური ექსპერიმენტებით. განსაკუთრებით აღსანიშნავია Truman Show.
Stray Kids – KARMA
მსოფლიო ჩარტებისა და საკონცერტო სტადიონების დაპყრობის შემდეგ, სამხრეთ კორეული ბოიბენდი Stray Kids – ახალ ალბომში KARMA – საკუთარ თავს გამოწვევის წინაშე აყენებს. ჩანაწერში ისევ მრავლად არის ენერგიული ელექტრო-რეპ-პოპი, თუმცა In My Head და Ghost ჯგუფის მუსიკალურ ზრდას უსვამს ხაზს.
Offset – KIARI
KIARI Offset-ის ყველაზე პირადულ პროექტად იქცა. Migos-ის წევრი რეპერი აქ საკუთარ ცხოვრებასა და კარიერულ აღმავლობაზე ჰყვება. ალბომის ჩაწერის ფარგლებში მან არაერთ ვარსკვლავთან ითანამშრომლა. მათ შორის არიან: Gunna, Teezo Touchdown, YoungBoy Never Broke Again და Key Glock.
რედაქტორის არჩევანი: Deftones – Private Music
ამერიკული ალტერნატიული მეტალ ბენდი Deftones უკვე 30 წელია, სცენაზეა და დღეს უფრო დიდი აუდიტორია ჰყავს, ვიდრე ოდესმე. Private Music ბენდის ატმოსფერულ ჰარდ-როკში რადიკალურად არაფერს ცვლის, მაგრამ Infinite source და Cut hands გაცილებით მეტი ტემპითა და ენერგიით გამოირჩევა, ვიდრე ბოლო ალბომებში შესული სინგლები და ბენდისთვის დამახასიათებელი ბნელი ატმოსფერო ახალ სიმაღლეებზე აჰყავს.
