ტეილორ სვიფტისა და ტრევის კელსის ნიშნობაზე რეაქციები არ წყდება. ამჯერად კი ახალ ამბავზე კომენტარს სვიფტის ყველაზე დიდი კრიტიკოსი – დონალდ ტრამპი აკეთებს.
მთავრობის სხდომაზე ჟურნალისტმა პრეზიდენტს ჰკითხა, თუ რა რეაქცია ჰქონდა სვიფტისა და კელსის ნიშნობაზე. „მე მათ წარმატებას ვუსურვებ,” – უპასუხა ტრამპმა. „ვფიქრობ, ის დიდებული ფეხბურთელია, კარგი ბიჭია. სვიფტი კი შესანიშნავი ადამიანია. ასე რომ, დიდ წარმატებას ვუსურვებ.”
პრეზიდენტის რეაქცია რადიკალურად განსხვავდება სვიფტის შესახებ მის მიერ მანამდე გაკეთებული კომენტარებისგან. ტრამპი მომღერალს მუდმივად აკრიტიკებდა. მას შემდეგ კი, რაც სვიფტმა 2024 წლის საპრეზიდენტო კამპანიაში კამალა ჰარისს დაუჭირა მხარი, ტრამპმა სოციალურ ქსელში დაწერა: „მძულს ტეილორ სვიფტი!”
ცოტა ხნის წინ პრეზიდენტმა სვიფტი მსახიობ სიდნი სვინის შეადარა. სვინი American Eagle-ის რეკლამაში მონაწილებდა, რომელიც ნაცისტურ პროპაგანდას შეადარეს, რის გამოც მკაცრი კრიტიკის ობიექტი გახდა.
თავის მხრივ, არც სვიფტი ერიდებოდა ამერიკის პრეზიდენტის კრიტიკას. 2019 წელს The Guardian-თან ინტერვიუში ტრამპის პირველ საპრეზიდენტო ვადას მომღერალმა „ავტოკრატია” უწოდა. 2020 წელს გამოქვეყნებულ პოსტში კი მას ჯორჯ ფლოიდის მკვლელობის შემდგომ საპროტესტო აქციების გამო აკრიტიკებდა და ამტკიცებდა, რომ ნოემბრის საპრეზიდენტო არჩევნებზე ტრამპს გადაირჩევდნენ.
ნახეთ ტრამპის რეაქცია სვიფტისა და კელსის ნიშნობაზე:
