მსოფლიო სცენის ვარსკვლავი, მომღერალი ქეთი მელუა ცნობილ შეფ-მზარეულ ჯეიმი ოლივერთან და გურამ ბაღდოშვილთან ერთად გადაღებულ ფოტოებს აქვეყნებს.
„ეს დღე ნამდვილად გამორჩეული იყო! ჯეიმი ოლივერმა და გურამ ბაღდოშვილმა შექმნეს ქართული სუფრა,” – წერს მელუა სოციალურ ქსელში.
მომღერალი პოსტში განმარტავს, რომ სუფრა ქართული ტრადიციული სიმბოლოა და მისი ერთ-ერთი განსაკუთრებული თვისება ის არის, რომ მაგიდა თავიდანვე სავსეა უამრავი კერძით.
„ჩემთვის განსაკუთრებული იყო, ჯეიმის თვალით დამენახა, რა ხდის ქართულ სამზარეულოს ასე გამორჩეულს. როგორც ქართველი პატრიოტი, ხშირად ვფიქრობდი, შეიძლება ჩემი სიყვარული ჩვენი ქვეყნის კერძებისადმი უბრალოდ სიამაყით იყო გამოწვეული. მაგრამ, როგორც აღმოჩნდა, ქართული სამზარეულო ნამდვილად ერთ-ერთი განსაკუთრებულია მსოფლიოში.
მადლობა, ჯეიმი და გურამ, რომ დამეხმარეთ, ჩემი ქვეყნის სამზარეულო ახალი თვალით დამენახა,” – ვკითხულობთ პოსტში.
ჯეიმი ოლივერი საქართველოს 2024 წელს ესტუმრა. მან საქართველოს ტურისტული მიმართულებებისა და ქართული კერძების შესახებ ვიდეოები თავის აუდიტორიას გაუზიარა.
იხილეთ ქეთი მელუას პოსტი:
