Tyler, The Creator ფილიპინებში მსოფლიო ტურნეს ასრულებს, რომელიც, შესაძლოა, გარკვეული პერიოდის განმავლობაში მისი ბოლო ტურნე აღმოჩნდეს.
„აღტაცებული ვარ იმით, რომ სახლში ვბრუნდები და ვფიქრობ, დავუბრუნდები თუ არა საერთოდ ტურნეებს. არ მოგატყუებთ – ახლა ცხოვრების იმ ეტაპზე ვარ, როცა ვფიქრობ, რომ საკმარისი გავაკეთე. ნება მომეცით, ძალიან, ძალიან გრძელი შესვენება ავიღო. თქვენ ძალიან კარგად მიმიღეთ. ასე რომ, მადლობა ყველას,” – მიმართა მუსიკოსმა გულშემატკივარს 21 სექტემბრის კონცერტზე.
ტაილერს ამჟამად დასვენება ნოემბრამდე შეუძლია. 15-16 ნოემბერს კი თავის Camp Flog Gnaw ფესტივალს უნდა უმასპინძლოს, რომლის ჰედლაინერიც თავადვე იქნება.
გასულ თვეს ტაილერმა ფანებისთვის კროსვორდი გამოსცა, რომელშიც ფესტივალის პროგრამა იყო დაშიფრული. გამომსვლელთა სიაში არიან Childish Gambino, Clipse, Larry June, 2 Chainz და ტემსი.
ამის შემდეგ კი ტაილერი კვლავ განაგრძობს დასვენებასა და ძალების აღდგენას მარტამდე, როცა ის Lollapalooza-სთვის სამხრეთ ამერიკაში გაემგზავრება. ხოლო 2026 წლისთვის მუსიკოსს კონცერტები კოლუმბიაში, პუერტო რიკოში, მექსიკასა და კოსტა რიკაში აქვს დაგეგმილი.
34 წლის რეპერისთვის გასული წელი საკმაოდ დატვირთული იყო. ოქტომბერში მან გამოსცა ალბომი Chromakopia, თებერვალში კი მსოფლიო ტურნეში გაემგზავრა.
ამერიკული ტურნეს დროს კი, ივლისში, ტაილერმა ფანები ახალი ალბომის, Don’t Tap The Glass-ის გამოცემით გააკვირვა. ალბომი Billboard 200-ის ლიდერი გახდა.
