„მე ყოველთვის დინების საწინააღმდეგოდ მივცურავდი. თუ ვინმე მეტყოდა, რომ რაღაც არ გამომივიდოდა, მიზნის მისაღწევად ყოველთვის ახალ გზას ვპოულობდი. ახლაც, ჩემი მიზანია, შევქმნა ისეთი ატმოსფერო, ისეთი სისტემა, სადაც ყველას შეუძლია საკუთარი თავი იპოვოს. ამის გაკეთება კი მხოლოდ მუსიკის გზით შემიძლია. სწორედ ესაა მათთან კავშირის დამყარების საუკეთესო გზა.”
BLOND:ISH
Miller-ისა და Beatport-ის თანამშრომლობით ქართული აუდიტორიისთვის კლუბ „ხიდში“ მორიგი მუსიკალური ღონისძიება იგეგმება. 25 ოქტომბერს ქართველ მსმენელს თავის შემოქმედებით სამყაროს ამჯერად BLOND:ISH გააცნობს. აღსანიშნავია, რომ როგორც BLOND:ISH-ის, ასევე სხვა ქართველი დიჯეების სეტები Beatport-ის YouTube არხზე გაისტრიმება, რაც მილიონობით ადამიანს მისცემს შესაძლებლობას, უფრო ახლოს გაიცნოს თბილისის საკლუბო სივრცე.
ღონისძიების მთავარი ჰედლაინერის, BLOND:ISH-ის კარიერა 15 წელზე მეტს ითვლის მსოფლიოს უდიდეს ფესტივალებზე გამოსვლებითა და ლეგენდარულ არტისტებთან თანამშრომლობით.
BLOND:ISH თავდაპირველად დუეტის სახით შეიქმნა, თუმცა მოგვიანებით პროექტი სოლო მოგზაურობად იქცა. კარიერის დასაწყისშივე Kompakt, Get Physical Music და Noir Music-ზე გამოცემულმა ტრეკებმა ფართო აუდიტორიის ყურადღება მიიპყრო და მუსიკოსი მალევე აქცია წამყვანი კლუბებისა და ფესტივალების მოთხოვნად არტისტად.
საკუთარი კომპოზიციების პარალელურად, BLOND:ISH ხშირად ქმნის რემიქსებს სხვა მუსიკოსებისთვისაც, მათ შორის ისეთი ვარსკვლავებისთვის, როგორებიც არიან Madonna, Depeche Mode და Taylor Swift. 2017 წელს მან დააარსა საკუთარი ლეიბლი ABRACADABRA, რომელიც ახალი არტისტების მხარდაჭერაზეა ორიენტირებული.
„ABRACADABRA არის ქალ არტისტებზე ფოკუსირებული პლატფორმა, რომლის მიზანია, მუსიკის გლობალური სცენა ხელოვნებისა და ეკოაქტივიზმის გზით გააერთიანოს,“ – ამბობს მუსიკოსი, რომელიც ასევე ცნობილია ეკომეგობრული ინიციატივებით, მათ შორისაა #PlasticFreeParty კამპანია, რომელიც მუსიკის სფეროში ეკოლოგიური ცნობიერების გაზრდას ისახავს მიზნად.
Miller-ისა და Beatport-ის ერთობლივი ტურნე „Miller Mix“ ექვს ქვეყანას მოიცავს: ავსტრალია, სამხრეთ აფრიკა, თურქეთი, უნგრეთი, ყაზახეთი და საქართველო. პროექტის მიზანი შერჩეულ ლოკაციებზე საინტერესო და უნიკალური არტისტების აღმოჩენა და მათი საერთაშორისო აუდიტორიისთვის გაცნობაა. ეს პროცესი აერთიანებს როგორც ელექტრონული მუსიკის უკვე ცნობილ სახეებს, ისე ახალბედა არტისტებს და სტრიმინგის საშუალებით ამ გამოცდილებას მთელ სამყაროს უზიარებს.
აღნიშნული კოლაბორაციის კიდევ ერთი მნიშვნელოვანი ასპექტი ადგილობრივი არტისტების მხარდაჭერაა. პროექტის ფარგლებში ქართველ პროდიუსერებს შეუძლიათ, წინასწარ შეთავაზებული ხმების გამოყენებით საკუთარი კომპოზიცია შექმნან. გამარჯვებულს კი ჟიური შესაძლებლობას მისცემს, Miller Mix-ის ღონისძიებაზე BLOND:ISH-თან ერთად დაუკრას. გარდა ამისა, გამარჯვებული მიიღებს წვდომას Beatport-ის ვორქშოპებზე, საჭირო პროგრამებსა და ინსტრუმენტებზე. კონკურსში მონაწილეობა შესაძლებელია ბმულზე: millermix.beatport.com/georgia
25 ოქტომბრის ღონისძიების კიდევ ერთი საინტერესო დეტალი კი თბილისის სცენაზე დოკუმენტური ფილმის გადაღებაა, რომელიც ყველასთვის იქნება ხელმისაწვდომი.
ბილეთები შეიძინეთ ბმულზე: tkt.ge/BLONDISHKhidi
