15 ოქტომბერს მაქსიმე მაჩაიძემ – სასცენო სახელით Max. 95 – ახალი ვიდეოკლიპი გამოუშვა, რომელიც გადაღებულია ტრეკზე, სახელწოდებით Jet Fuel. ვიდეოს რეჟისორი მაქსიმე მაჩაიძის შემოქმედებითი კოლაბორატორი გიორგი ზათიაშვილია. მასვე ეკუთვნის არტისტის აქამდე გამოშვებული ვიდეოების რეჟისურა.
როგორც მაქსიმე მაჩაიძემ Billboard-თან საუბრისას აღნიშნა, კლიპი Wallpaper Magazine-ის ვიდეოზე მუშაობის დროს გადაღებული მასალით შეიქმნა.
2025 წლის მარტში მაქსიმე მაჩაიძემ ალბომი – Sevda Universal წარადგინა. აღსანიშნავია, რომ Sevda Universal ქართულენოვანია და 16 ტრეკს აერთიანებს. ალბომის ფროდაქშენზე მუსიკოსმა თავად იმუშავა.
მაქსიმე მაჩაიძეს ქართველი მსმენელი სხვადასხვა პროექტიდან უკვე კარგად იცნობს. მისი, როგორც არტისტის პერსონა ბევრ მიმართულებას მოიცავს – ის არის მუსიკოსი, აქტივისტი და დიზაინერი. მაქსიმე მაჩაიძის სახელი არაერთ მუსიკალურ პროექტთან არის დაკავშირებული, მათ შორის არის: Kung Fu Junkie, Kayakata, Temple Pharmacy.
