Tame Impala მეხუთე და უახლესი სრულმეტრაჟიანი სტუდიური ალბომით, Deadbeat-ით დაბრუნდა.
ალბომი ოფიციალურად 17 ოქტომბრის ღამეს გამოვიდა, რომელიც ავსტრალიელი პროდიუსერის, კევინ პარკერისთვის (Tame Impala) პირველი ნამუშევარია ბოლო ხუთი წლის განმავლობაში. აღსანიშნავია, რომ ალბომი Sony Music-ის მეშვეობით პირველად გამოდის, მას შემდეგ, რაც არტისტმა ხელშეკრულება Columbia Records-თან გააფორმა.
ალბომი კევინ პარკერის მშობლიური დასავლეთ ავსტრალიის რეივ-კულტურის ატმოსფეროთია შთაგონებული, ეს განწყობა კი შესანიშნავად არის გადმოცემული ალბომში შესული სინგლით End of Summer.
კევინ პარკერი მომავალ წელს ევროპასა და დიდ ბრიტანეთში ტურნეს გეგმავს, რომელიც 4 აპრილს პორტუგალიის Super Bock Arena-ზე დაიწყება და 13 მაისს დუბლინში, 3Arena-ზე დასრულდება.
მანამდე კი არტისტი ტურნეს გამართავს ჩრდილოეთ ამერიკაში, სადაც პირველი კონცერტი 27 ოქტომბერს, ბრუკლინში, Barclays Center-ში გაიმართება.
ალბომი Deadbeat გამოვიდა ხუთი წლის თავზე The Slow Rush-ის (2020) გამოცემიდან, რომელმაც ავსტრალიის ARIA ჩარტში N1 ადგილი დაიკავა და უმაღლეს პოზიციას მიაღწია Billboard 200-ზე, ასევე ბრიტანეთის ოფიციალური ალბომების ჩარტში N3 ადგილს იკავებდა. Tame Impala-ს 2015 წლის ალბომი Currents ავსტრალიაში პირველი ადგილზე იყო, ხოლო აშშ-სა და ბრიტანეთში საუკეთესო ხუთეულში შევიდა. Brit Award-ზე კი Tame Impala-მ საუკეთესო საერთაშორისო ჯგუფის ნომინაცია მიიღო.
წელს კევინ პარკერმა ხუთი ნომინაციის შემდეგ პირველად მიიღო გრემი საუკეთესო საცეკვაო/ელექტრონული ჩანაწერისთვის, სიმღერით – Neverender, რომელსაც ფრანგ დუეტ Justice-თან ერთად ასრულებს.
Deadbeat-ში შესულია უკვე გამოცემული ტრეკები Loser და Dracula.
მოუსმინეთ სრულად Tame Impala-ს ახალ ალბომს – Deadbeat:
