Ty Dolla $ign-მა მეოთხე სტუდიური ალბომი Tycoon 17 ოქტომბერს Atlantic Records-ის ლეიბლის მეშვეობით გამოსცა.
„Tycoon ნიშნავს ბოსს. ეს სიტყვა იაპონური ტერმინიდან მოდის, რომელიც „დიდ ბატონს“ ნიშნავს. ეს იგივეა, რაც ძლიერი ლიდერი, საკუთარ საქმეში საუკეთესო, თამაშის მწვერვალზე მყოფი,“ – განუცხადა Ty Dolla $ign-მა Billboard-ს ახალ ინტერვიუში. „ვფიქრობ, ზუსტად ამ წერტილს მივაღწიე. ჯერ კიდევ მაქვს მიზნები და ადგილები, სადაც მინდა წასვლა, მაგრამ ვფიქრობ, ერთ-ერთი ყველაზე დიდი არტისტი ვარ ამ სფეროში.“
ახალი პროექტის გამოსვლამდე არტისტმა სამი სინგლი გამოუშვა: უეინ ვანდერის სემპლით All In, Smile Body Pretty Face – Kodak Black-ისა და YG-ის მონაწილეობით და Show Me Love, ტორი ლენეზთან კოლაბორაციით.
ალბომი Tycoon Ty Dolla $ign-ის წინა სოლო ალბომის, Featuring Ty Dolla $ign-ის (2020) – გამოცემიდან ხუთი წლის შემდეგ გამოვიდა. 25-ტრეკიანი პროექტი მუსიკოსის შემოქმედებით მრავალმფეროვნებას ასახავს და ბევრ კოლაბოარაციას მოიცავს. ალბომში მონაწილეობენ არტისტები: Ye, Mustard, Quavo, ნიკი მინაჟი, Jhené Aiko, FKA twigs და სხვა. Ty Dolla $ign-ის წინა ალბომი Featuring – Billboard 200-ში მე-4 ადგილზე გავიდა და Top R&B/Hip-Hop Albums-ში მეორე პოზიცია დაიკავა.
სექტემბერში Billboard-მა Ty Dolla $ign – Collab Impact Award-ით დააჯილდოვა The Future of Music & Money-ის ღონისძიებაზე, რომელიც UBS-თან პარტნიორობით და Feeture-ის მხარდაჭერით გაიმართა.
Ty Dolla $ign-მა და Ye-მ ერთობლივად ორი ალბომი: Vultures 1 და Vultures 2 გამოსცეს. პირველი მათგანი ორი კვირის განმავლობაში Billboard 200-ის ჩარტში ლიდერობდა. ალბომის ჰიტი – Carnival (Rich the Kid-ისა და Playboi Carti-ს მონაწილეობით) Billboard Hot 100-ის პირველ ადგილზე მოხვდა, რაც Ty Dolla $ign-ისთვის მეორე ნომერ პირველი ჰიტი გახდა 2018 წლის Psycho-ს გამოსვლის შემდეგ.
მოუსმინეთ Ty Dolla $ig-ის ახალ ალბომს Tycoon:
