ჯო ბადენი კიდევ ერთხელ დაუპირისპირდა დრეიკს მას შემდეგ, რაც ფედერალურმა მოსამართლემ უარყო მისი სარჩელი Universal Music Group-ის წინააღმდეგ.
„დრეიკთან დაკავშირებული ამბავი სასამართლომდე მივიდა,“ – თქვა ბადენმა The Joe Budden Podcast-ის უახლეს ეპიზოდში. „ჩემთვის ეს არაფრით განსაკუთრებული არ არის. თავიდანვე არ მჯეროდა, რომ საქმე სხვანაირად წავიდოდა.“
რეპერმა, რომელიც ამჯერად პოდკასტის წამყვანია, დრეიკი უცენზურო სიტყვებით მოიხსენია, შემდეგ კი განაგრძო: „11 თვის წინ რაც გითხარით, ყველაფერი ზუსტად ისე მოხდა.”
რაც შეეხება სარჩელს, ჯო ბადენმა Universal Music Group (UMG)-ს დაახლოებით 2024 წლის შუა პერიოდში უჩივლა. ბადენი ამტკიცებდა, რომ დრეიკის გუნდი და ლეიბლი ხელს უწყობდნენ დეზინფორმაციის გავრცელებას და მისკენ მიმართულ ცილისწამების ტალღას. საქმე ის არის, რომ ლამარის ცნობილ ტრეკში – Not Like Us – კენდრიკი თითქოს მიანიშნებდა, რომ დრეიკს არასრულწლოვან გოგოებთან უცნაური ურთიერთობები ჰქონდა. დრეიკის მხარემ ეს „საგანგაშო ცილისწამებად“ შეაფასა, ხოლო ბადენი, რომელიც ამ თემებზე აქტიურად საუბრობდა თავის პოდკასტში, საჯაროდ მხარს უფრო კენდრიკს უჭერდა და დრეიკის ქცევებს აშკარად აკრიტიკებდა.
ამის შემდეგ, დრეიკის ფანებმა და ზოგიერთმა მედია წყარომ ბადენს ბრალდებები წაუყენა, თითქოს ის კამპანიას აწარმოებდა დრეიკის წინააღმდეგ. ბადენის თქმით, ეს მიზანმიმართული ნაბიჯი იყო მისი დისკრედიტაციისთვის.
სწორედ ამაზე დაყრდნობით, ბადენმა სარჩელი შეიტანა Universal Music Group-ის წინააღმდეგ, რომელიც დრეიკის რელიზების დისტრიბუციაზეა პასუხისმგებელი. ბადენი ამტკიცებდა, რომ კომპანიამ „PR კამპანიით“ ხელი შეუწყო მის წინააღდეგ ცილისწამებას.
ფედერალურმა მოსამართლემ ვერ დაინახა რეალური საფუძველი, რომ კენდრიკ ლამარი მართლაც ამხელდა დრეიკს, როგორც პედოფილს, ისეთი ტრეკის ტექსტებში, როგორიცაა Not Like Us. მოსამართლემ მათი დაპირისპირება უბრალოდ „სიტყვების ომად“ შეაფასა და სარჩელის ნაწილიც „ლოგიკურად აბსურდულად“ მიიჩნია.
ბადენმა სასამართლოს გადაწყვეტილების შემდეგ ინსტაგრამის Story-ში დრეიკის ფოტო გამოაქვეყნა და სარკასტული დამოკიდებულება გამოხატა. თავად დრეიკმაც არაერთხელ იხუმრა ბადენზე.
იხილეთ ვიდეო:
