გასაკვირი არ იყო, რომ 27 ნოემბერს ჯეკ უაითმა Detroit Lions-ის მადლიერების დღის ყოველწლიურ კლასიკურ მატჩზე, Ford Field-ზე, The White Stripes-ის სპორტული ჰიმნი Seven Nation Army შეასრულა.
ყველაზე დიდ სიურპრიზად კი დეტროიტის კიდევ ერთი ლეგენდის, ემინემის გამოჩენა იქცა, რომელიც საკუთარ მენეჯერთან, პოლ როზენბერგთან ერთად შოუს თანაპროდიუსერი იყო.
სუპერვარსკვლავი სპეციალურად Detroit Lions-ისთვის შექმნილი სამოსით წარდგა, სადაც ჯეკ უაითის შვიდწუთიანი სეტის შუა ნაწილში სიმღერები: Till I Collapse და The White Stripes-ის Hello Operator-ს შეასრულა.
ეს იყო პირველი შემთხვევა, როდესაც ორი დეტროიტელი მუსიკოსი – ემინემი და ჯეკ უაითი სცენაზე ერთად წარდგნენ. თან იმ ფონზე, როცა 8 ნოემბერს The White Stripes როკ-ენ-როლის დიდების დარბაზში შეიყვანეს, ხოლო პარალელურად White’s Third Man Records-ის დეტროიტის ფილიალის გახსნის 10 წლის იუბილე აღინიშნა. აღსანიშნავია, რომ ემინემი დიდების დარბაზში 2022 წელს შეიყვანეს.
შოუზე ჯეკ უაითი ცისფერ გიტარაზე უკრავდა, „მიყვარხარ, დეტროიტ!” – განაცხადა მუსიკოსმა სცენიდან.
შოუ Detroit Lions-სა და ბერბენკში დაფუძნებული Jesse Collins Entertainment-ის სამწლიანი პარტნიორობის პირველი ღონისძიებაა, რომელიც ცნობილია Super Bowl-ის წინა ნახევარფინალური შოუების შექმნით. პროექტში ასევე ჩართულნი არიან ემინემი და მისი მენეჯერი პოლ როზენბერგი. ემინემი და როზენბერგი ასევე მუშაობდნენ Collins Entertainment-თან Michigan Central-ის გახსნისადმი მიძღვნილ 2024 წლის ივნისის კონცერტზე, სადაც ჯეკ უაითიც გამოდიოდა.
JCE-ს აღმასრულებელმა ვიცე-პრეზიდენტმა სეთ დუდოვსკიმ Billboard-ს განუცხადა, რომ ემინემისა და როზენბერგის მოსამზადებელ ჯგუფში ჩართვის შესახებ განხილვები NFL-ის სეზონის დასაწყისში გაიმართა, ხოლო ჯეკ უაითი მალევე იქცა შოუს მთავარ ღერძად.
„ჩვენ ვისაუბრეთ იმაზე, თუ როგორ შეგვექმნა შოუ, რომელიც ქალაქის ნამდვილ ღირებულებებს წარმოაჩენდა და ასევე იქნებოდა Lions-ის ერთგული. ამ ელემენტების და ფასეულობების გათვალისწინებით, ჯეკ უაითი იდეალური შემსრულებელი იყო… როკ-ენ-როლის წარმოჩენა სცენაზე და მისი შესულება Detroit-ის ფარგლებს სცდება, ნებისმიერი ადამიანისთვის, ვინც ერთხელ მაინც ყოფილა სტდიონზე ან სპორტულ ღონისძიებაზე და ერთხელ მაინც მოუსმენია ლეგენდარული ჰიტი – Seven Nation Army“. – აღნიშნა დუდოვსკიმ.
მშობლიური ქალაქის შეგრძნებას კიდევ უფრო აძლიერებდა დეტროიტის მკვიდრი, გრემის მფლობელი გოსპელ მომღერალი სისი ვაინანსი, რომელიც ეროვნული ჰიმნის შესასრულებლად ნეშვილიდან ჩამოფრინდა.
„ეს დიდი პატივია,“ – განუცხადა სისი ვიანანსმა Billboard-ს. „შვიდი ძმის და მამის გარემოცვაში გავიზარდე, ამიტომ Lions-ის თამაშს ყოველ წელს ვუყურებდით. ათნი ვიყავით, შესაბამისად, ხშირად ყველა ბილეთის შეძენას ვერ ვახერხებდით და მატჩებს ტელევიზორით ვადევნებდით თვალს. აქ ყოფნა და ჰიმნის შესრულება ჩემთვის დიდი პატივია, ეს განსაკუთრებული და საოცრად სასიამოვნო მომენტია.” – აღნიშნა მომღერალმა.
აღსანიშნავია, რომ Lions-ის თამაში NFC North-ის მეტოქესთან – Green Bay Packers-თან მადლიერების მატჩების სერიიდან პირველი იყო.
