A$AP Rocky და მსახიობი მარგარეტ ქუალი Chanel-ის უახლესი მოკლემეტრაჟიანი ფილმის მთავარი გმირები არიან და მოდის სახლის ცხოვრებაში ახალი თავის დაწყებას აღნიშნავენ.
სამწუთიანი სიურრეალისტური ვიდეო ფრანგი რეჟისორის, მიშელ გონდრის მიერ არის გადაღებული და მისი პრემიერა 30 ნოემბერს შედგა. ფილმი იწყება სცენით, სადაც რეპერი და მსახიობი ერთ საწოლში იღვიძებენ. რამდენიმე წამში ქუალი ბინას სწრაფად ტოვებს და ნიუ-იორკის მეტროსკენ მიდის. როკი მას ჩუმად აედევნება და მანჰეტენზე ხელს სთხოვს.
ფილმი Chanel-ის ყოველწლიური ღონისძიების – Métiers d’Art 2026-ის შოუს კამპანიის ნაწილია, რომელიც 2025 წლის 2 დეკემბერს გაიმართება.
A$AP Rocky, რომელიც ახლახან გახდა Chanel-ის ამბასადორი, მიშელ გონდრისთან თანამშრომლებზე საუბრობს. რეჟისორი განსაკუთრებით ცნობილია ფილმით – Eternal Sunshine of the Spotless Mind. მიშელ გონდრიმ 2005 წელს საუკეთესო ორიგინალური სცენარისთვის ოსკარიც მიიღო.
„ჩემი ყველა მუსიკალური ვიდეო, რომელსაც თავად ვიღებ, მისი ფილმებით არის შთაგონებული. მინდა, რომ სრულმეტრაჟიანი ფილმიც გადავიღო. ეს ის ადამიანია, ვისგანაც ინსპირაციას ვიღებ,“ – უთხრა როკიმ ჟურნალ Vanity Fair-ს.
როცა რეპერმა ინსტაგრამზე ფილმის თიზერი პირველად გამოაქვეყნა, ინტერნეტ მომხმარებლებმა კომენტარების სექციაში იუმორით გაიხსენეს როკის პრტნიორი რიანა. „ეს რირის უნდა გავუგზავნო,” – წერდა ერთ-ერთი მათგანი.
მარგარეტ ქუალი კი მუსიკალური პროდიუსერის და ბენდ Bleachers-ის ფრონტმენის – ჯეკ ანტონოფის ცოლია. წყვილმა 2023 წლის აგვისტოში იქორწინა. სტუმრებს შორის იყვნენ ტეილორ სვიფტი, ლანა დელ რეი, ჩანინგ ტეიტუმი, ზოე კრავიცი და კარა დელევინი.
ნახეთ Chanel-ის მოკლემეტრაჟიანი ფილმი A$AP Rocky-ს და მარგარეტ ქუალის მონაწილეობით:
