27 დეკემბერს „თათუზა” კიდევ ერთ გამორჩეულ საღამოს უმასპინძლებს. ქართველი მსმენელის წინაშე ცნობილი ბრიტანელი ჯაზვოკალისტი ემა სმითი წარდგება.
ემა სმითი თანამედროვე ჯაზმუსიკის ერთ-ერთ ყველაზე გამორჩეულ ხმადაა აღიარებული. მას ნამღერი აქვს ისეთ სცენებზე, როგორიცაა „როიალ ალბერტ-ჰოლი” და მუდმივად მართავს კონცერტებს მსოფლიოს წამყვან ჯაზკლუბებში. მისი შემოქმედება მოიცავს კოლაბორაციებს მაიკლ ბუბლესთან, ქუინსი ჯონსის ორკესტრთან, ჯეფ გოლდბლამსა და Postmodern Jukebox-თან. წლების განმავლობაში ის იყო რეზიდენტი ვოკალისტი Ronnie Scott’s All Stars-ში.
სმითის შესრულების მანერას ელა ფიცჯერალდს ადარებენ. მისი ბოლო ალბომი Bitter Orange კი თანამედროვე ჯაზის გამორჩეულ ნამუშევრადაა აღიარებული.
ემა სმითთან ერთად „თათუზას” სცენაზე წარდგებიან: სემ უოტსი (კლავიში), კონორ ჩაპლინი (ბასი), მეტ სკელტონი (დრამი).
კონცერტის დაწყების დრო – 22:00 საათი. კარი გაიღება 21:00 საათზე.
ბილეთების შეძენა შეგიძლიათ როგორც ონლაინ, ასევე ადგილზე.
