30 დეკემბერს თბილისის სახელმწიფო კონსერვატორიის დიდ დარბაზში დავით ხრიკულის სოლო კონცერტი გაიმართება. ორგანყოფილებიან საფორტეპიანო საღამოზე ქართველი პიანისტი შოპენის ნაწარმოებებს შეასრულებს. კონცერტის ბილეთები სრულად გაყიდულია.
დავით ხრიკული პირველი ქართველი პიანისტია, რომელიც ფრედერიკ შოპენის საერთაშორისო საფორტეპიანო კონკურსის ფინალისტი გახდა. 24 წლის მუსიკოსმა მსოფლიოს ერთ-ერთი ყველაზე პრესტიჟული კონკურსის სამივე ეტაპი გადალახა და 11 ფინალისტს შორის დასახელდა. შოპენის საფორტეპიანო კონკურსი ხუთ წელიწადში ერთხელ იმართება. წელს ვარშავა კონკურსის მე-19 სეზონს მასპინძლობდა.
დავით ხრიკული არაერთი საერთაშორისო ჯილდოს მფლობელია. ამჟამად ის ესპანეთში ცხოვრობს და დედოფალ სოფიას სახელობის სამეფო მუსიკალურ სკოლაში სწავლობს.
მუსიკოსი კონსერვატორიის სცენაზე 27 დეკემბერსაც წარდგება კონსერვატორიის სტუდენტურ სიმფონიურ ორკესრტთან ერთად, რომელსაც დავით მუქერია უდირიჟორებს. ბილეთებს შეძენა შეგიძლიათ ბმულზე.
