პერი ბემონტი, The Cure-ის გიტარისტი და კლავიშისტი, 65 წლის ასაკში გარდაიცვალა

The Cure-ის გიტარისტი და კლავიშისტი პერი ბემონტი შობის დღეებში გარდაიცვალა. ინფორმაციას ამის შესახებ თავად ბენდი ავრცელებს. მუსიკოსი 65 წლის იყო. 

„დიდი მწუხარებით ვადასტურებთ ჩვენი დიდი მეგობრისა და ბენდის წევრის, პერი ბემონტის გარდაცვალებას, რომელიც ხანმოკლე ავადმყოფობის შემდეგ საკუთარ სახლში საშობაო პერიოდში გარდაიცვალა,” – წერს გრემიზე ნომინირებული ჯგუფი გავრცელებულ განცხადებაში. “მშვიდი, ინტენსიური, ინტუიციური, სტაბილური და უზომოდ კრეატიული – ‘ტედი’ The Cure-ის ისტორიის სასიცოცხლოდ მნიშვვნელოვანი ნაწილი იყო.”

მუსიკოსი ბენდს სრულად 1990 წლიდან შეუერთდა. თავდაპირველად, 1984 წელს, ის ჯგუფს ტურნეში გაჰყვა. ის უკრავდა გიტარაზე, ექსვსიმიან ბასზა და კლავიშზე შემდეგ ნამუშევრებში: 1992 წლის გრემის ნომინანტ ალბომში Wish, რომელიც Billboard 200-ის მეორე ადგილზე გავიდა და მოიცავდა Billboard Hot 100-ის ჰიტს Friday I’m in Love; 1996 წლის ალბომში Wild Mood Swings, რომელიც მე-12 ადგილზე გავიდა; 2000-იანების Bloodflowers-ში; 2001 წლის Acoustic Hits-სა და 2004-ის ბენდის სახელწოდების მქონე ალბომში The Cure.

ბემონტმა, რომელიც 1960 წლის 3 სექტემბერს ლონდონში დაიბადა, 14-წლიანი თანამშრომლობისა და 400-ზე მეტი ერთობლივი შოუს შემდეგ ბენდი 2005 წელს დატოვა. 2019 წელს ის The Cure-თან ერთად როკ-ენ-როლის დიდების დარბაზში შევიდა. მას შემდეგ, რაც 1979 წელს ინგლისურმა როკბენდმა თავისი სადებიუტო ალბომი Three Imaginary Boys გამოსცა, არაერთი მუსიკოსი ასახელებს მას, როგორც შთაგონების მთავარ წყაროს, მათ შორის არიან NIN, Deftones, My Chemical Romance, The Smashing Pumpkins, ფიბი ბრიჯერსი და „ოაზისი”.

„ბემონტი ბენდს 2022 წელს დაუბრუნდა და კიდევ 90 კონცერტზე დაუკრა – ზოგიერთი საუკეთესოც კი იყო ჯგუფის ისტორიაში. კულმინაცია კი ლონდონის  The Show of a Lost World კონცერტი იყო 2024 წლის პირველ ნოემბერს,” – წერს ბენდი განცხადებაში. „ჩვენი ფიქრები და თანაგრძნობა ახლა მის ოჯახთანაა. ის ძალიან მოგვენატრება.”