7 იანვარს ენრი ლოლაშვილი გარდაიცვალა. კომპოზიტორი 78 წლის იყო.
ენრი ლოლაშვილი ცნობილია თავისი კინომუსიკით. 1985 წელს მან დაამთავრა თბილისის სახელმწიფო კონსერვატორია. 1987 წლიდან კი საცხოვრებლად საფრანგეთში გადავიდა, სადაც 1991 წლამდე მუშაობდა. მისი პირველი საერთაშორისო აღიარებაც ამ პერიოდს უკავშირდება. სწორედ ლოლაშვილს ეკუთვნის მუსიკა ნანა ჯორჯაძის ფილმისთვის „რობინზონიადა, ანუ ჩემი ინგლისელი პაპა”, რომელმაც კანის კინოფესტივალის „ოქროს კამერის” ჯილდო დაიმსახურა. ფილმში თამაშობს კომპოზიტორის ძმა ჟანრი ლოლაშვილი.
ენრი ლოლაშვილს ეკუთვნის მუსიკა ისეთი ფილმებისთვის, როგორებიცაა „ჭიდაობას რა უნდა”, „ლიკვიდაცია”, სერიალი „კარამაზოვები” და სხვა. ის ასევე იყო საქართველოს კინემატოგრაფისტთა კავშირის წევრი.
კომპოზიტორს 10 იანვარს დაკრძალავენ.
