მუსიკოს Kordz-ის და პიანისტ თამრიკო კორძაიას ერთობლივი კომპოზიცია Meine Freunde უკვე ყველა მუსიკალურ პლატფორმაზეა ხელმისაწვდომი. ის თავდაპირველად სპექტაკლ „ბრუნტეტისთვის” შეიქმნა და მომავალი ალბომის, Find Me-ს მეორე სინგლია.
„Meine Freunde – ეს არის შემდეგი ტრეკი ჩემი და Tamriko Kodzaia-ს ალბომიდან. პირველად ეს ვერსია შარშან, ახალ წელს, მტკვარზე ერთად შევასრულეთ, თუმცა თვითონ ნაწარმოები სპექტაკლ „ბრუნტეტს” ეკუთვნის. თამრომ ეს მელოდია თავის პატარა ორღანზე შეასრულა, შემდეგ ერთად გადავწყვიტეთ, რომ ალბომშიც შეგვეტანა და ფირფიტაზე ყოფილიყო. როგორც დაგპირდით, თითო ტრეკს გამოვუშვებთ, სანამ ალბომი სრულად გამოვა. ნაწარმოების ნოტებით მოგზაურობა ივნისამდე გაგრძელდება. ალბომი კი @prrrrrrr_records-თან თანამშრომლობით შეიქმნა.“ – Kordz.
Meine Freunde იმ პროცესის ნაწილია, რომელიც მკაფიოდ ასახავს Kordz-ისა და თამრიკო კორძაიას საერთო მუსიკალურ ენას და ხაზს უსვამს პროექტის კონცეპტუალურ ბუნებას.
მოუსმინეთ Kordz-ის და თამრიკო კორძაიას კომპოზიციას Meine Freunde.
