გრემის მფლობელი მომღერალი ბრუნო მარსი 9 იანვარს ახალი სინგლით I Just Might დაბრუნდა და ოფიციალურად The Romantic-ის ახალი ერა დაიწყო.
მელოდიური, დახვეწილი ჟღერადობის მქონე სიმღერა Leo Sayer-ის დისკო-კლასიკას – You Make Me Feel Like Dancing-ს ეხმიანება. ტრეკს თან მუსიკალური ვიდეო ახლავს, სადაც მწვანე კოსტიუმში გამოწყობილი ბრუნო მარსი ჩანს. კლიპის რეჟისორები დენიელ რამოსი და თავად ბრუნო მარსი არიან.
სინგლი ბრუნო მარსის მეოთხე სტუდიურ ალბომ The Romantic-ში შევა, რომლის გამოსვლაც 27 თებერვალს იგეგმება. ეს პოპვარსკვლავის პირველი სოლო ალბომია თითქმის ათი წლის შემდეგ. ბოლოს მუსიკოსმა 2016 წელს გრემის მფლობელი ალბომი 24K Magic გამოსცა.
ბრუნო მარსმა 5 იანვარს სოციალურ ქსელში ალბომის გამოსვლა დააანონსა. „ჩემი ალბომი მზადაა.“ – დაწერა მან X-ზე. სოლო პროექტებს შორის ახალ რელიზებს მუსიკოსი ყოველთვის დიდი სიფრთხილით არჩევდა. 2021 წელს მან Anderson .Paak-თან ერთად ალბომი An Evening With Silk Sonic გამოუშვა, რომელმაც გრემის დაჯილდოებაზე სრული ტრიუმფი მოახდინა. მას ასევე ჰქონდა კოლაბორაციები Lady Gaga-სთან Billboard Hot 100-ის ლიდერი ჰიტით Die With a Smile და APT. BLACKPINK-ის Rosé-სთან ერთად, რომელმაც 2025 წლის Billboard Global 200-ის ჩარტი პირველი ადგილი დაიკავა.
40 წლის არტისტს ასევე პირველად ჰქონდა გლობალური ტურნე. The Romantic Tour კი ჩრდილოეთ ამერიკას გაზაფხულსა და ზაფხულში მოიცავს და სტარტს ლას-ვეგასში 10 აპრილს აიღებს.
ტურის სხვადასხვა კონცერტზე წარდგებიან არტისტები: Anderson .Paak (DJ Pee. Wee-ს სახელით), RAYE, ვიქტორია მონე და ლეონ ტომასი. ჩრდილოეთ ამერიკის გარდა, The Romantic Tour ევროპის ტურნესაც მოიცავს და კონცერტები გაიმართება: პარიზში, მილანში, ლონდონში, ბერლინში, ამსტერდამში, მადრიდსა და პარიზში.
მოუსმინეთ და ნახეთ ბრუნო მარსის სიმღერა და მუსიკალური ვიდეო I Just Might.
