თუ გასულ კვირას ინტერნეტში აქტიური იყავით, თვალში აუცილებლად მოგხვდებოდათ არაერთი სტატია თუ პოსტი „MTV-ის დასასრულზე”. თუმცა საინტერესოა, რეალურად რა დასრულდა?
„ბილბორდის” Pop Shop Podcast-ის ახალ ეპიზოდში წამყვანები სწორედ ამ სამგლოვიარო პოსტებს განიხილავენ, რათა ახსნან რეალური ამბავი, რომელიც შემდეგში მდგომარეობს: MTV-მ სინამდვილეში დახურა მსოფლიოს მასშტაბით შემორჩენილი ბოლო მუსიკალური არხები, თუმცა ეს გადაწყვეტილება არ ეხება MTV-ის იმ ვერსიას, რომელზეც ამერიკელ მაყურებელს წვდომა კვლავ თავისუფლად აქვს. გამოდის, რომ რასაც ადამიანები დღეს გლოვობენ, არის ის, რაც რეალურად დეკადების წინ დასრულდა – მუსიკალური ვიდეოების წინასწარ შედგენილი პროგრამით ყურება კაბელურ ტელევიზიაში.
მოუსმინეთ პოდკასტს:
გადაცემაში წამყვანებმა ასევე ისაუბრეს სადღესასწაულო მუსიკაზე, რომელიც უმეტესად უკვე გაქრა ჩარტებიდან მაშინ, როცა ტეილორ სვიფტი ორივე ჩარტში (Billboard 200 და Billboard Hot 100) ლიდერობს. ამასობაში ოლივია დინი Billboard 200-ში კარიერის ახალ პიკს აღწევს, Pink Floyd-ის The Dark Side of the Moon კი კიდევ უფრო უახლოვდება შთამბეჭდავ მე-1000 კვირას ალბომების ჩარტში.
The Billboard Pop Shop Podcast „ბილბორდის” ყოველკვირეული ჩარტების გარშემო არსებული პოპინფორმაციის ერთიანი სივრცეა. აქ დაგხვდებათ ცოცხალი დისკუსია პოპის ახალ ამბებზე, ჩარტების საინტერესო სტატისტიკებსა და ისტორიებზე, ახალ მუსიკაზე, ასევე სტუმრების ინტერვიუები მუსიკალურ ვარსკვლავებსა და პოპის სამყაროს წარმომაგდენლებთან. პოდკასტს უძღვებიან „ბილბორდის” აღმასრულებელი დირექტორი კეიტი ატკინსონი და „ბილბორდის” მმართველი დირექტორი ჩარტებისა და მონაცემების ოპერაციების მიმართულებით კით კოლფილდი. ყოველკვირეული პოდკასტი Billboard.com-სა და Apple Podcasts-ზე ისტრიმება.
