K-pop-ის სუპერ ჯგუფმა BTS-მა 13 იანვარს 2026-2027 წლებში მასშტაბური მსოფლიო ტურნეს დაწყება ოფიციალურად დააანონსა. გლობალური ტურნე 9 აპრილს სამხრეთ კორეის ქალაქ გოიანგში აიღებს სტარტს, რის შემდეგაც ტოკიოში გადაინაცვლებს, აპრილის ბოლოს კი შეერთებულ შტატებში გაგრძელდება.
აშშ-ის ტურნეს პირველი კონცერტები 25 და 26 აპრილს ფლორიდის შტატის ქალაქ ტამპაში გაიმართება, ხოლო ჩრდილოეთ ამერიკის ტურნე სექტემბერში ლოს-ანჯელესში ოთხი შოუთი დასრულდება.
პრესრელიზის მიხედვით, ტურნე მსოფლიოს 34 რეგიონს და 79 კონცერტს მოიცავს. სამხრეთ კორეის, იაპონიისა და ჩრდილოეთ ამერიკის გარდა, ჯგუფის წევრები: Jimin, J-Hope, Jin, Jung Kook, RM, Suga და V კონცერტებს მექსიკაში, ესპანეთში, ბრიტანეთში, კოლუმბიაში, ბრაზილიაში, მალაიზიასა და სხვა ქვეყნებშიც გამართავენ. 2027 წლის კონცერტები ამ ეტაპზე ავსტრალიაში, ჰონგ-კონგსა და ფილიპინებშია დაგეგმილი.
ტურნეს შესახებ ინფორმაცია მას შემდეგ გავრცელდა, რაც BTS-მა 4 იანვარს განაცხადა, რომ მათი ჯერჯერობით უსათაურო მეხუთე ალბომი 20 მარტს გამოვა. ალბომში 14 ტრეკია გაერთიანებული. პრესრელიზში აღნიშნულია: „ახალი ალბომი თითოეული წევრის გულწრფელი თვითანალიზის მამოძრავებელი ძალაა, რადგან ისინი ერთობლივად ქმნიდნენ ჯგუფის მუსიკალურ მიმართულებას საკუთარი ინდივიდუალური პერსპექტივებით“.
მომავალი ალბომისა და ტურნეს შესახებ სიახლეების გავრცელებამდე, Jung Kook-მა BTS-ის დაბრუნების თარიღი გაახმაურა, მას შემდეგ, რაც ჯგუფმა პაუზა აიღო, რათა წევრებს სავალდებულო სამხედრო სამსახურის შესრულება და სოლო პროექტებზე ფოკუსირება შესძლებოდათ. „ვფიქრობ, ეს გაზაფხული ყველაზე მნიშვნელოვანი იქნება. ამიტომ ყველას გულწრფელად გისურვებთ მშვიდ და სასიამოვნო გაზაფხულს.“, – განუცხადა მან Elle Korea-ს დეკემბერში.
იხილეთ ტურნეს თარიღების სრული სია ქვემოთ:
[공지] BTS (방탄소년단) WORLD TOUR 개최 안내 (+ENG/JPN/CHN)
— BIGHIT MUSIC (@BIGHIT_MUSIC) January 13, 2026
🔗 https://t.co/UN1hL6O0Gt#방탄소년단 #BTS #BTS_WORLDTOUR pic.twitter.com/dWSWyRnw67
