2026 წლის Super Bowl-ს Green Day გახსნის

ჯგუფი თამაშისწინა გასართობ პროგრამაზე დაუკრავს.
Green Day-ს ბილი ჯო არმსტრონგი
PAUL BERGEN/REDFERNS

წლევანდელი Super Bowl-ის ღონისძიებებს Green Day გახსნის „მათი საკულტო როკჰიმნებით,” – განაცხადა NFL-მა კვირას, 18 იანვარს. მიუხედავად იმისა, რომ მაყურებელს შოუს ყურება მოუწევს იმისთვის, რომ გაიგოს, თუ რას შეასრულებს ბენდი, პანკ-როკ ტრიოს ჰიტების საკმაოდ დიდი არჩევანი აქვს. მათი რეპერტუარი მოიცავს პერიოდს 1990-იანებიდან დღემდე და იწყება სენსაციური სინგლით Basket Case – 1994 წლის ალბომიდან Dookie.

ღონისძიების გახსნის ცერემონია, რომელიც Super Bowl-ის 60 წლის იუბილეს აღნიშნავს და პატივს მიაგებს მის საუკეთესო მოთამაშეებს, 8 თებერვალს სანტა-კლარაში, კალიფორნიაში გაიმართება და პირდაპირი ეთერით გადაიცემა. 

„სუპერ აღტაცებულები ვართ, რომ Super Bowl 60-ს ჩვენს ეზოში გავხსნით!” – წერს ბილი ჯო არმსტრონგი განცხადებაში, რომელიც NFL-მა გაავრცელა. „პატივია, ვუმასპინძლოთ საუკეთესო მოთამაშეებს, რომლებმაც ამ თამაშის ფორმირება მოახდინეს და გავხსნათ ღონისძიება ფანებისთვის მთელი მსოფლიოს გარშემო. მოდი, გავერთოთ და ვიხმაუროთ!”

„Super Bowl-ის 60-წლიანი ისტორიის Green Day-სთან ერთად აღვნიშვნა მათსავე მშობლიურ ქალაქში, მაშინ, როცა ასევე პატივს მივაგებთ NFL-ის ლეგენდებს, რომლებმაც ეს სპორტი განსაზღვრეს, ძალიან ძლიერი გზაა მე-60 Super Bowl-ის დასაწყებად,” – ამბობს ტიმ ტუბიტო, NFL-ის უფროსი დირექტორი. „გახსნის ამ ცერემონიისთვის NBC Sports-თან ერთად ვმუშაობთ და ერთი სული გვაქვს, შევქმნათ კოლექტიური ზეიმი ფანებისთვის სტადიონსა და მსოფლიოს გარშემო.”

Green Day-ის შესრულება Super Bowl-ის გახსნის ცერემონიაზე წინ უსწრებს NFL-ის მიერ მანამდე გამოცხადებულ თამაშისწინა გასართობ პროგრამას. თამაშის დაწყებამდე ჩარლი პუთი ეროვნულ ჰიმნს შეასრულებს, ბრენდი კარლაილი America the Beautiful-ს, ხოლო კოკო ჯონსი Lift Every Voice and Sing-ს იმღერებს.

წლევანდელი Halftime Show-ს ჰედლაინერი Bad Bunny-ა. პუერტო-რიკოელმა ვარსკვლავმა და Apple Music-მა პარასკევს თიზერი გამოაქვეყნეს და მაყურებელს დაპირდნენ, რომ „მსოფლიო იცეკვებს.” ბანის Debi Tirar Mas Fotos გასული წლის Billboard 200-ში ოთხი კვირის განმავლობაში ლიდერობდა. ალბომის მხარდამჭერი მსოფლიო ტურნე კი უკვე ხსნის რეკორდებს: რვათვიანი ტურნეს პირველ 12 შოუზე გაყიდული 697 000 ბილეთიდან შემოსულმა თანხამ 107 მილიონი დოლარი შეადგინა.

Share
Tweet
Share
Share
Share

წინა სტატია

INXS-მა 1987 წელი ლოს-ანჯელესი, ტელეშოუ Top of the Pops-ში გამოსვლისას. SHERRY RAYN BARNETT/MICHAEL OCHS ARCHIVES/GETTY IMAGES

INXS, AC/DC და GANGGAJANG TRIPLE M-ის ყველაზე ხშირად მოსმენადი სიმღერების სიის სათავეში არიან

შემდეგი სტატია

Bad Bunny-მ შოუზე პატივი მიაგო გარდაცვლილ მომღერალს და აქტივისტს – ვიქტორ ჯარას

შეიძლება დაგაინტერესოთ

ტრიუმფალური Super Bowl Halftime Show-თი Bad Bunny-მ მთელი მსოფლიო თავის სახლად გადააქცია: კრიტიკოსების შეფასება

სუპერვარსკვლავმა კარიერის განმსაზღვრელ მომენტში ერთიანობის მოწოდება გააჟღერა.
მეტი
Lana Del Rey გრემის 66-ე დაჯილდოებაზე, 2024 წლის 4 თებერვალი, ლოს ანჯელესი, კალიფორნია GILBERT FLORES/BILLBOARD

Lana Del Rey ახალი სინგლის გამოსვლის თარიღს ანონსებს თანაავტორად კი მეუღლეს, ჯერემი დიუფრენს ასახელებს

მომღერლის დიდი ხნით გადადებული ქანთრი ალბომი Stove იანვარში უნდა გამოსულიყო.
მეტი

რა მოხდა 2026 წლის ზამთრის ოლიმპიური თამაშების გახსნაზე

ოლიმპიადა ოფიციალურად მილანის სან სიროს სტადიონზე გაიხსნა შოუთი, რომელიც მერაია კერის, ლაურა პაუზინისა და ანდრეა ბოჩელის გამოსვლებს მოიცავდა.
მეტი

ოლივია დინი გრემის საუკეთესო ახალი არტისტი გახდა, მაგრამ იგივე ნომინაცია Brit Awards-ზე ვერ მოიგო

მსგავსი ბედი აქამდე მხოლოდ ორ არტისტს გაუზიარებია, მათ შორისაა ელტონ ჯონის შემდეგ ალბათ ყველაზე დიდი ბრიტანული ექსპორტი.
მეტი