გიორგი თორაძემ, სასცენო სახელით Torcho, ახალი მუსიკალური ვიდეო გამოუშვა. ვიდეო გადაღებულია სიმღერაზე, სახელწოდებით „ტაქსი“. კლიპის რეჟისორი ლევან ლეკო ჭყონიაა, რომელიც ასევე არის Torcho-ს 2024 წლის სადებიუტო კლიპის, „კარმას“ რეჟისორი. მუსიკისა და ტექსტის ავტორი ჯემალ ბაღაშვილია, პროდიუსერები – გიორგი სანოძე და გიორგი ბულბულაშვილი. მიქსინგსა და მასტერინგზე ნიკა მარგველაშვილმა იმუშავა. კლიპის ვიზუალში გამოყენებული კოსტიუმების დიზაინერი ლაშაო გაბუნიაა.
Torcho-მ სოლო კარიერა 2024 წელს დაიწყო, როდესაც მსმენელს სადებიუტო ნამუშევარი – Karma და მასზე გადაღებული ვიდეოკლიპი წარუდგინა. მოგვიანებით, მომღერალმა კიდევ ერთი ვიდეოკლიპი – „გეწყინა?!“ გამოუშვა, 2025 წლის ბოლოს კი კიდევ ერთი სიმღერა და მასზე გადაღებული კლიპი „მინდა მინდა მინდა“ წარადგინა.
