Stranger Things 5-ის საუნდტრეკი Billboard-ის შვიდ ჩარტში ტოპ ათეულში გამოჩნდა, მათ შორის N1 ადგილით ვინილ ალბომის და N2 პოზიციით საუკეთესო ალბომების გაყიდვების ჩარტებში.
ალბომში წარმოდგენილია Netflix-ის პოპულარული სერიალის მეხუთე და ფინალურ სეზონში გაჟღერებული კლასიკური ჰიტები, მათ შორის: მაიკლ ჯექსონის Rockin’ Robin, ABBA-ს Fernando და დევიდ ბოუის Heroes.
კომპილაცია ერთდროულად რამდენიმე ჩარტის ტოპ ათეულში გამოჩნდა: Soundtracks (N2), Top Current Album Sales (N5), Top Rock Albums (N5), Top Rock & Alternative Albums (N6) და Indie Store Album Sales (N8). გარდა ამისა, საერთო რეიტინგში Billboard 200-ის ჩარტში ალბომი N32 პოზიციას იკავებს.
Luminate-ის მონაცემებით, 5 თებერვლით დასრულებულ კვირაში აშშ-ში საუნდტრეკის 21 000 ეგზემპლარი გაიყიდა. ამ მაჩვენებლის უდიდესი ნაწილი ძირითადად ვინილის გაყიდვებზე მოდის (17 000), ალბომი ასევე ხელმისაწვდომი იყო CD-ზე, კასეტაზე და ციფრული ჩამომტვირთავის სახით.
ბოლო კვირაში გაყიდვების რაოდენობით Stranger Things 5-ს მხოლოდ ერთმა ალბომმა გადაასწრო: ეს იყო დონ ტოლივერის ახალი სტუდიური ნამუშევარი OCTANE, რომელიც Top Album Sales-ის ჩარტში N1 პოზიციაზე 31 000 ეგზემპლარის გაყიდვით გავიდა.
რაც შეეხება სხვა პოზიციებს: Megadeth-ის ალბომმა გაყიდვების მეორე კვირაში Top Album Sales-ის ჩარტში პირველიდან მესამე პოზიციაზე გადაინაცვლა, ENHYPEN-ის ჩარტის ლიდერი THE SIN: VANISH მესამედან მეოთხე პოზიციაზე ჩამოვიდა, ხოლო Alice in Chains-ის ყოფილი N1 ალბომი რეიტინგში მეხუთე ადგილზე დაბრუნდა.
Olivia Dean-ის ალბომმა The Art of Loving მეათედან მეექვსე ადგილზე გადაინაცვლა, მაიკლ ჯექსონის 2003 წლის კრებულმა Number Ones კი ვინილზე გამოცემის შემდეგ N7 პოზიცია დაიკავა, Stray Kids-ის ალბომი DO IT მეოთხედან მერვეზე, A$AP Rocky-ს Don’t Be Dumb კი მერვედან მეცხრე ადგილზე ჩამოვიდა, ხოლო ჩარტის ათეულს Lily Allen-ის ალბომი West End Girl ხურავს, რომელიც ფიზიკური ფორმატების გამოცემის შემდეგ მეათე ადგილს იკავებს.
