30 ივლისს რუსთავის საერთაშორისო ავტოდრომზე Moby-ს ლაივ პერფორმანსი გაიმართება. არტისტის კონცერტი საქართველოში Flitz Collective-ის ორგანიზებით იმართება.
Moby თანამედროვე მუსიკალური სცენის ერთ-ერთი ყველაზე გავლენიანი ფიგურაა, რომლის კარიერა 30 წელზე მეტს ითვლის. ამ დროის განმავლობაში არტისტმა მსოფლიოში 20 მილიონზე მეტი ალბომი გაყიდა და მნიშვნელოვანი გავლენა მოახდინა ელექტრონული, ემბიენტისა და ალტერნატიული მუსიკის განვითარებაზე.
მისი დისკოგრაფია მოიცავს ისეთ საკულტო ალბომებს, როგორებიცაა Play, 18 და Hotel, რომელთა ტრეკები არაერთ ფილმსა და სერიალში გაჟღერდა. 1991 წელს გამოშვებული პირველი სინგლი, სახელწოდებით Go კი Rolling Stone-ის მიერ ყველა დროის საუკეთესო ჩანაწერებს შორის დასახელდა და დღემდე ითვლება ელექტრონული მუსიკის ერთ-ერთ გარდამტეხ ნამუშევრად.
კონცერტის ბილეთების გაყიდვა 17 თებერვლიდან დაიწყება ვებგვერდზე tkt.ge.
დამატებითი ინფორმაციისთვის ეწვიეთ ბმულს.
