BLACKPINK-მა გულშემატკივრებს მუსიკალური ვიდეოთიზერი გაუზიარა, რომელიც გადაღებულია სიმღერაზე – Go. ეს ნამუშევარი ჯგუფის მორიგი გლობალური პროექტის დასაწყისია.
ახალი ვიდეორგოლის პრემიერა 27 თებერვალს იგეგმება – სწორედ იმ დღეს, როდესაც გაყიდვაში ჯგუფის ახალი მინი ალბომი DEADLINE გამოვა. თიზერში წარმოდგენილი კადრები სამეცნიერო ფანტასტიკის ჟანრშია: ორკესტრული მუსიკის ფონზე ჩანს კოსმოსური პეიზაჟები და სიურრეალისტური ვიზუალური ეფექტები. კლიპში ჯგუფის წევრები ფუტურისტულ გარემოში ჩნდებიან, რაც პროექტის ახალ ესთეტიკაზე მიანიშნებს.
Go ალბომის რიგით მეორე სინგლია. პირველმა სინგლმა – Jump – 2025 წელს Billboard Global 200-ის ლიდერი პოზიცია დაიკავა.
ჯგუფმა 2022 წლის ალბომის – Born Pink-ის შემდეგ მცირე შესვენება აიღო და წევრები სოლო კარიერაზე გადაერთვნენ. ამ პერიოდში მათ არა მხოლოდ მუსიკალური ჰიტები გამოუშვეს, არამედ სამსახიობო კარიერაც წარმატებით განავითარეს: ლისამ მონაწილეობა მიიღო სერიალში – White Lotus, ჯენიმ – The Idol-ში, ხოლო ჯისუ პროექტ Boyfriend on Demand-ში გამოჩნდა.
