ყოველწლიურად „ბილბორდის” დაჯილდოება Women in Music პატივს მიაგებს ქალებს მუსიკალურ ინდუსტრიაში, რომლებმაც გასული 12 თვის განმავლობაში განსაკუთრებული წინსვლა აჩვენეს. სწორედ ამიტომ, 2026 წელს ტეიანა ტეილორი, ტეიტ მაკრეი, ელა ლანგლი, კეილანი, ლეივეი და ზარა ლარსონი ღონისძიების საპატიო ლაურეატები გახდებიან.
წლევანდელი Visionary Award გადაეცემა ავტორსა და შემსრულებელს, One Battle After Another-ის მსახიობ ტეიანა ტეილორს; კანადელი პოპვარსკვლავი ტეიტ მაკრეი ჰიტმეიკერის ჯილდოს მიიღებს; ქანთრი მომღერალი ელა ლანგლი კი Powerhouse Award-ის მფლობელი გახდება. სამივე ქალი არტისტი ამჟამად, შეიძლება ითქვას, რომ კარიერული წარმატების შუაგულშია. ტეილორმა ნოემბერში გრემის ნომინაცია მიიღო ალბომისთვის Escape Room, შემდეგ კი ოქროს გლობუსი მოიგო და ოსკარის ნომინაციაც დაიმსახურა. მაკრეიმ და ლანგლიმ კი გასულ წელს მათი პირველი Billboard Hot 100-ის ლიდერი ჰიტები გამოსცეს.
ცერემონიაზე პატივს მიაგებენ მუსიკალური ინდუსტრიის სხვა ქალ წარმომადგენლებსაც: კეილანს Impact Award გადაეცემა, ლეივეი ინოვაციის ჯილდოს, ხოლო Mariah the Scientist ამომავალი ვარსკვლავის ტიტულს მიიღებს. ზარა ლარსონი წლის აღმოჩენის ჯილდოს მფლობელი გახდება, თალია კი სახლში Icon Award-ს წაიღებს.
წლევანდელი დაჯილდოების ცერემონია 29 აპრილს ლოს-ანჯელესში გაიმართება. ღონისძიების ბილეთები საჯაროდ გაიყიდება.
მთავარი ტიტულის, წლის ქალის ჯილდოს მფლობელის ვინაობა მომავალ კვირებში გამოცხადდება. გასულ წელს ეს წოდება წილად Doechii-ს ხვდა.
„2026 წლის Billboard Women in Music პატივს მიაგებს არტისტებს, რომლებიც არა მხოლოდ დღევანდელ ჟღერადობას აყალიბებენ, არამედ ხვალინდელ კულტურასაც განსაზღვრავენ,” – ამბობს ჯეისონ ლიპშუცი, „ბილბორდის” კონტენტის თანახელმძღვანელი. „წლევანდელი ლაურეატები განასახიერებენ თამამ კრეატიულობას, გლობალურ გავლენასა და სახელოვნებო სრულყოფილებას სხვადასხვა ჟანრში. წლის აღმოჩენით დაწყებული, უკვე დამკვიდრებული ლეგენდებით დასრულებული – თითოეული ეს ქალი ინდუსტრიის წინსვლას განაპირობებს.”
