წინანდლის მამული მარტში სტუმრებს განსაკუთრებულად მრავალფეროვან დასვენებას სთავაზობს. მთელი თვის განმავლობაში ტერიტორია უმასპინძლებს სხვადასხვა აქტივობას ყველა ასაკისა და ინტერესის მქონე ჯგუფებისთვის. პროგრამა მოიცავს მუსიკალურ, კულტურულ, სპორტულ, შემეცნებით და გასართობ ღონისძიებებს.
მუსიკალურ ნაწილში მსმენელის წინაშე ქართველი და უცხოელი არტისტები წარდგებიან. 7 მარტს წინანდლის მამული ელენე კალანდაძისა და დათო მაჩაიძის კონცერტს უმასპიძლებს. 8, 19 და 26 მარტს კონცერტებს ამერიკელი მუსიკოსის, პიტერ მედსენის კვარტეტი გამართავს. 28 მარტს კი თვის მუსიკალურ პროგრამას Bonjourlan დაასრულებს.
მუსიკალურ ღონისძიებებთან ერთად, მარტის თვეში წინანდლის მამულში სხვადასხვა სპორტული აქტივობაც იგეგმება. სტუმრებს შეეძლებათ, მონაწილეობა მიიღონ პადელის ჩემპიონატში, ასევე იოგასა და პილატესის მასტერკლასებში. პროგრამის ფარგლებში ასევე გაიმართება კულტურული ღონისძიებები: კინოჩვენება, ხალიჩის შექმნის მასტერკლასი, ფოტოსესია. ბავშვებისთვის კი ორი დღის განმავლობაში სპეციალური გასართობი პროგრამა მოეწყობა.
