3 მარტს ხატია ქორიძემ მუსიკალურ პლატფორმაზე ახალი სინგლი, სახელწოდებით Temporarily Dead გამოაქვეყნა. ნამუშევარი ლეიბლ Break Records-ის მეშვეობით გამოიცა და არტისტის მომავალ, რიგით მეორე ალბომში იქნება შესული.
მუსიკოსთან ერთად სიმღერაზე მისი მეგობრები და კოლეგები მუშაობდნენ: სოსო ცაგარეიშვილი (დრამი), ლაშა საყვარელიძე (საქსოფონი) და ნიკალა ზუბიაშვილი (სინთეზატორი).
ხატია ქორიძისთვის მუსიკა ყოველთვის სიყვარულთან ასოცირდება, თუმცა ახალ ნამუშევარში ის დღევანდელობასაც ეხმიანება. არტისტი Billboard საქართველოსთან გულწრფელად საუბრობს იმ ემოციურ მდგომარეობაზე, რამაც სიმღერის სათაური და კონცეფცია განსაზღვრა:
„კომპოზიცია რამდენიმე თვის წინ შეიქმნა და ის ჩემი მეორე ალბომის ერთ-ერთი ტრეკი იქნება. სიმღერის ინსპირაცია ყოველთვის მუსიკის სიყვარულია, თუმცა სათაური („დროებით მკვდარი”) შეესაბამება მდგომარეობას, რომელშიც ხანდახან ყველას გვინდა, ვიყოთ მთელ სამყაროში და მითუმეტეს ჩვენს ქვეყანაში არეულობის და უსამართლობის ფონზე.”- ამბობს ხატია ქორიძე.
სინგლის მიქსინგსა და მასტერინგზე პაპუნა ალიბეგაშვილმა იზრუნა, აღმასრულებელი პროდიუსერი ჩაგელაა, ქვერ-არტი კი დავით ლოლაძეს ეკუთვნის.
მოისმინეთ ხატია ქორიძის ახალი რელიზი: Temporarily Dead
