თბილისის შუაგულში, Telegraph Hotel-ის თავზე, სტუმრებს განსაკუთრებული გარემო დახვდებათ – ეს არის Rolling Stone-ის Rooftop ბარი. აღსანიშნავია, რომ ეს მსოფლიოში პირველი რუფტოპ ბარია, რომელიც ლეგენდარული ბრენდის სახელით ოპერირებს. ეს არის ადგილი მათთვის, ვისთვისაც გართობა და ხარისხიანი მუსიკა ერთმანეთთან განუყოფელ კავშირშია.
Rolling Stone Rooftop Bar სტუმრებს სთავაზობს პრემიუმ კლასის სერვისს, ქალაქის შთამბეჭდავ ხედებსა და მუსიკალურ ღონისძიებებს, რომლებიც თავისი მასშტაბით, შემსრულებლების შემადგენლობითა და ხარისხით ზუსტად პასუხობს ბრენდის გლობალურ კონცეფციას.
ამ კვირას მუსიკის მოყვარულებს განსაკუთრებული საღამოები ელით, რადგან სცენას ორი გამორჩეული არტისტი დაიკავებს. 13 მარტს მსმენელის განწყობაზე Hazy Pockets იზრუნებს. ჯოელ ისააკ ბლექი, რომელიც მუსიკალურ სამყაროში სწორედ ამ ფსევდონიმითაა ცნობილი, ბერლინური სცენის ერთ-ერთი საინტერესო ფიგურაა. 20 წელზე მეტია, ის მსმენელს თავისი სეტებით ისეთ განწყობას უქმნის, რომელიც იდეალურად ერგება რუფტოპის ატმოსფეროს.
მსმენელის წინაშე ასევე წარდგება Toma – ადგილობრივი არტისტი, რომელიც ელექტრონულ სცენაზე რამდენიმე წლის წინ გამოჩნდა. დღეს ის საკუთარი ხელწერით ქმნის მუსიკას და Trance House-ისა და Melodic House-ის სინთეზით მსმენელს ავთენტურ ჟღერადობას სთავაზობს.
სტუმრობის სრულყოფილი გამოცდილების უზრუნველსაყოფად, Rolling Stone Rooftop Bar-ში მოქმედებს გარკვეული წესები. კარი 18:00 საათზე იხსნება, სტუმრებისთვის კი დაწესებულია ასაკობრივი ზღვარი – 25+. სივრცეში მოქმედებს დრესკოდი, ე.წ. Refined Appearance (დახვეწილი სტილი). შესვლა თავისუფალია და ვერიფიკაცია ხდება კარზე. კარი 01:30-ზე იკეტება, რის შემდეგაც სტუმრები სივრცეში შესვლას ვეღარ შეძლებენ.
მეტი დეტალისათვის ეწვიეთ ბმულს.
