ნიკოლ კიდმანი უკვე იწყებს პრესასთან შეხვედრებს მისი მომავალი სატელევიზიო დრამის, Scarpetta-ს მხარდასაჭერად, რაც თავისთავად გულისხმობს კითხვებს კით ურბანთან მისი 19-წლიანი ქორწინების დასასრულზე.
მსახიობმა Variety-ს მიერ დასმულ კითხვაზე, თუ როგორ გრძნობდა თავს რთული წლის შემდეგ, უპასუხა:
„კარგად ვარ, რადგან ყოველთვის ვცდილობ კარგისკენ ვიმოძრაო. რისი მადლობელიც ვარ, ეს ჩემი ოჯახი, მისი ამ სახით შენარჩუნება და წინსვლაა. სულ ესაა. სხვა რამის განხილვას არ ვაპირებ, პატივისცემიდან გამომდინარე. მე კვლავ ვრჩები იმ აზრზე, რომ ‘ჩვენ ოჯახი ვართ’ და ასეც გაგრძელდება.”
ურბანი და კიდმანი ოფიციალურად ერთმანეთს გასული წლის 6 იანვარს, 19-წლიანი ქორწინების შემდეგ დაშორდნენ. იმ პერიოდში „ბილბორდის” მიერ მოპოვებული დოკუმენტების მიხედვით, არცერთ მხარეს არ დაეკისრა ფინანსური ვალდებულება ან ალიმენტი და ორივე მათგანი თავად იყო პასუხისმგებელი საკუთარ იურიდიულ ხარჯებზე.
წყვილმა დაშორების შესახებ გასულ სექტემბერს გამოაცხადა. შვილებზე ძირითადი მეურვეობა კიდმანს გადაეცა, რაც წელიწადში 306 დღით განისაზღვრა. ხოლო ურბანი ბავშვებთან ყოველ მეორე შაბათ-კვირას გაატარებს.
წყვილის ურთიერთობა 2005 წელს დაიწყო. მათი ქორწილი კი მომდევნო წელს სიდნეიში შედგა. პირველი ქალიშვილი სანდეი როუზი მათ 2008 წელს, მეორე ქალიშვილი ფეით მარგარეტი კი 2010 წელს შეეძინათ. კიდმანს ყოფილ მეუღლესთან, ტომ კრუზთან ასევე ორი შვილი ჰყავს: 32 წლის ქალიშვილი ისაბელა და 30 წლის ვაჟი კონორი.
