Billboard-მა კრეატიული დირექტორის პოზიციაზე მადელინ მონტოია წარადგინა.
ამ პოზიციაზე მონტოია ბრენდის გლობალურ ვიზუალურ იდენტობაზე იმუშავებს. ის უხელმძღვანელებს დიზაინერთა გუნდს Billboard-ის სარედაქციო, მულტიმედიურ, ბრენდირებულ კონტენტსა და ექსპერიმენტულ პროექტებში, მათ შორის ბეჭდური ჟურნალისა და Billboard-ის ჩარტების ვიზუალურ განახლებას.
მონტოია ასევე ჩაერთვება Billboard-ის ვიზუალური თხრობის ახალი ფაზის ჩამოყალიბებაში, ჟურნალის გარეკანიდან დაწყებული, ფოტოგრაფიით, ციფრული და ინტერაქციული მიმართულებით დასრულებული.
„მადელინს სარედაქციო დიზაინის მიმართ გამორჩეული ხედვა აქვს და სიღრმისეულად ესმის, თუ როგორ შეუძლია ვიზუალურ თხრობას ჟურნალისტიკის ფორმირება. მისი ნამუშევრები ინოვაციურიცაა და მიზანმიმართულიც. მოუთმენლად ველით, თუ როგორ განსაზღვრავს ის Billboard-ის კრეატიული იდენტობის ახალ ეპოქას“. – აღნიშნა დანა დროპომ, Billboard-ის ბრენდის მთავარმა ოფიცერმა.
მადელინ მონტოია კრეატიული დირექტორი და გრაფიკული დიზაინერია, რომელიც სარედაქციო დიზაინის მიმართულებით არის სპეციალიზებული. მას ნამუშევარი აქვს ისეთ წამყვან გამოცემებთან, როგორებიცაა The New York Times, Bloomberg Businessweek და Teen Vogue. იგი ასევე არის დამოუკიდებელი ბეჭდური და ციფრული ჟურნალის, Byline-ის დამფუძნებელი და კრეატიული დირექტორი, რომელიც ინდივიდუალური ხმის წარმოჩენას და მხარდაჭერას ისახავს მიზნად.
ინოვაციური სარედაქციო თხრობის (storytelling) სფეროში მადელინ მონტოიას ნამუშევრებმა საერთაშორისო აღიარება მოიპოვა, იგი გახდა პრესტიჟული ჯილდოს Young Guns 23-ის ლაურეატი, რომელიც ყოველწლიურად მსოფლიოს მასშტაბით 30 წლამდე ასაკის გამორჩეულ კრეატორებს გადაეცემათ.
