პოპვარსკვლავმა მადონამ და მსახიობმა 23 ჯულია გარნერმა მარტს ერთობლივი ვიდეო გამოაქვეყნეს, სადაც ისინი ვენეციაში, გონდოლაში, გვერდიგვერდ სხედან. სანამ ქალაქის საკულტო არხებში მიცურავენ, ისინი მადონას ჰიტს – Like a Virgin-ს აჰყვებიან.
კლიპი Like a Virgin-ის ვიდეოს ინტერპრეტაციაა, რომელშიც მადონა ვენეციის გონდოლაზე ცეკვავდა. ვიდეოს აღწერა ასეთია: „Like a Virgin… ისევ და ისევ“. მადონამ თავისი ახალი სამსახიობო როლის შესახებ გასულ კვირას ინსტაგრამის ე.წ. Story-შიც მიანიშნა, სადაც ის ნავში სცენარს კითხულობდა, წარწერით – „The Italian Job“. ამ ეტაპზე უცნობია, თუ რის მარკეტინგულ აქტივობებს ემსახურება ეს ვიდეო.
Billboard-მა მადონას წარმომადგენელს მიმართა, თუმცა კომენტარი ჯერჯერობით არ გაკეთებულა. რაც დანამდვილებით ცნობილია, არის ის, რომ მადონაც და ჯენიფერ გარნერიც გასულ კვირას ვენეციაში შენიშნეს Apple TV-ის ემის მფლობელი სერიალის – The Studio-ს მეორე სეზონის სცენების გადაღებისას. ეს სერიალი მადონას პირველი მხატვრული სამსახიობო ნამუშევარი იქნება 2002 წლის ფილმის – Swept Away-სა და 2003 წლის სერიალ – Will & Grace-ში შესრულებული ეპიზოდური როლის შემდეგ.
აღსანიშნავია, რომ ჯენიფერ გარნერი დამტკიცებულია მადონას როლზე მომღერლის ჯერჯერობით უსათაურო, ბიოგრაფიულ ფილმში, რომლის პროექტიც ჯერჯერობით შეჩერებულია.
ფილმი, რომლის შესახებაც პირველად 2020 წელს გამოცხადდა და სადაც მადონას როლი ჯულია გარნერს უნდა შეესრულებინა, მას შემდეგ არაერთხელ გადაიდო. 2023 წლის იანვარში მადონამ მიანიშნა, რომ პროექტი განახლდა. გარნერმა კი ვარაუდები პროექტის აღდგენის შესახებ გასული წლის სექტემბერში გაამყარა, როდესაც ჟურნალ W Magazine-ის კითხვაზე – აპირებდა თუ არა ისევ პოპის დედოფლის განსახიერებას, უპასუხა: „დიახ!“.
