ქართველმა არტისტმა ახალი სინგლი, სახელწოდებით Amerika გამოაქვეყნა.
Amerika არტისტისთვის ერთგვარი ემოციური აფეთქებაა, სიმღერა, რომელიც ერთი ამოსუნთქვით შეიქმნა და თანამედროვე სამყაროს ქაოტურ რიტმს ასახავს.
მურმან წულაძე:
“ეს სიმღერა ბრიუსელში დავწერე, ხოლო პარიზში ჩემმა ხმის ინჟინერმა, Kevin Heuzé-მ დამიქსა. იმ პერიოდში ძალიან აქტიურად ვადევნებდი თვალს მიმდინარე მოვლენებს და იმდენმა აბსურდულმა ამბავმა დამატრიგერა, რაც „სტაფილოსფერი ამერიკიდან“ მოდიოდა… სიმღერა სწორედ ამ დეკადანსზეა, სიგიჟის ეპოქაში ვცხოვრობთ, მაგრამ შოუ არ ჩერდება, პირიქით, თითქოს დაკუნთულ ამერიკულ ფილმში ვართ და მთავარ როლში რემბოა.
ეს ტრეკი ძალიან სწრაფად, თითქმის ორ საათში დავწერე, იმდენად მჭირდებოდა ამ გიჟური ემოციის გამოხატვა. ამიტომ, მოდით, ვიცეკვოთ, სანამ უცხოპლანეტელები გვესტუმრებიან. სხვათა შორის, როცა მიქსის თანხას ვუგზავნიდი ხმის ინჟინერს და ტრანზაქციას “mix Amerika“დავაწერე, ბანკმა გადარიცხვა დამიბლოკა და ორი კვირის შემდეგ მკითხა, რაიმე კავშირი ხომ არ მქონდა კუბასთან, რაც ერთდროულად სასაცილოც იყო და გამაღიზიანებელიც.“
მუსიკალური პროექტი Murman Tsuladze 2016 წელს ბრიუსელში ჩამოყალიბდა და მას შემდეგ არტისტი საკუთარ უნიკალურ, ავთენტურ შემოქმედებით ხაზს ავითარებს.
რაც შეეხება არტისტის უახლოეს მუსიკალურ გეგმებს, მაისში მურმან წულაძე 4-სიმღერიან EP-ს გამოუშვებს, რომლის სახელწოდებაცაა Firma.
მოისმინეთ მურმან წულაძის ახალი სინგლი Amerika, რომელიც თანამედროვე რეალობას ირონიულ და ენერგიულ მუსიკალურ კონტექსტში წარმოგვიდგენს:
