ჰილარი დაფი წარსულის ერთ-ერთ ყველაზე საყვარელ სიმღერას მიუბრუნდა და 10 აპრილს Laguna Beach-ის სპეციალური ეპიზოდისთვის მოულოდნელად Come Clean-ის ახალი ვერსია გამოსცა.
მიუხედავად იმისა, რომ სიმღერას ამჯერად უფრო მოწიფული ჟღერადობა აქვს, მომღერალი მასში მაინც ახერხებს თავისი თინეიჯერობისდროინდელი ხიბლის შენარჩუნებას.
სიმღერა შევა ჰილარი დაფის მომავალ ალბომში, რომელიც მისი ჰიტების ხელახალ ვერსიებს მოიცავს. პროექტი წლევანდელი Record Store Day-ს ფარგლებში ვინილზე 18 აპრილს გამოვა. ხელმისაწვდომი იქნება ალბომის მხოლოდ 10 000 ეგზემპლარი, რაც იმას ნიშნავს, რომ ის ფანების მხოლოდ მცირე რაოდენობას შეხვდება.
Come Clean (Mine) ასევე წარმოდგენილი იქნება The Reunion: Laguna Beach-ში – სპეციალურ ეპიზოდში, რომლის პრემიერაც პარასკევს შედგება. სიმღერის თავდაპირველი ვერსია 2004 წელს Billboard Hot 100-ის 32-ე ადგილზე გავიდა და რეალითი შოუს მთავარ მუსიკალურ თემას წარმოადგენდა. თუმცა ეს სულაც არ ნიშნავს იმას, რომ თავად მომღერალი ამ შოუს ფანი იყო. 2023 წელს მან ხუმრობით აღიარა, რომ სერიალი ნანახიც კი არ ჰქონდა.
ჰილარი დაფს ამჟამად დიდი მუსიკალური დაბრუნების ეტაპი აქვს. თებერვალში, 10-წლიანი პაუზის შემდეგ, მან პირველი ალბომი Luck … or Something გამოსცა, რომელმაც Billboard 200-ის მესამე პოზიცია დაიკავა. ივნისში კი მომღერალი შვიდთვიან ტურნეში მიემგზავრება.
მოუსმინეთ Come Clean-ის ახალ ვერსიას:
