Janngo-ს ახალი ვიდეორგოლი Minute კიდევ ერთი მნიშვნელოვანი ნაბიჯია არტისტის კარიერაში. კლიპის რეჟისორი: გიორგი ქველიძეა, დამდგმელი ოპერატორი და პროდიუსერი: ნინი ჩიქოვანი, მხატვარი: ალექს აფციაური. ვიდეო დეტალებზე ორიენტირებული ხედვითა და ესთეტიკით გამოირჩევა, რაც სიმღერის განწყობას სრულად გადმოსცემს. Minute-ის მუსიკა და ტექსტი Janngo-ს და ნიკა ფასურს ეკუთვნის. სიმღერის პროდიუსირება თავად ნიკამ უზრუნველყო, მიქსინგსა და მასტერინგზე კი ლუკა თელიამ იმუშავა.
„მადლობა ნიკა ფასურს, ჩემთან თანამშრომლობისთვის და იმისთვის, რომ შემოქმედებითი ენერგია უფრო მეტად აღმომეჩინა საკუთარ თავში. მადლობა ნინი ჩიქოვანსა და გიორგი ქველიძეს ჩემი მუსიკისა და ხედვის რწმენისთვის და მადლობა იმისთვის, რომ ასეთი ლამაზი მუსიკალური ვიდეო შექმენით. თქვენ ამ პროექტზე მთელი გულით იმუშავეთ.” – წერს Janngo სოციალურ ქსელში.
Janngo წლებია, ამერიკაში ცხოვრობს და აქტიურად მუშაობს საავტორო მუსიკაზე. მისი შემოქმედება სხვადასხვა ჟანრს აერთიანებს. არტისტის ერთ-ერთი პირველი ნამუშევარი ჯაზ-ფანკ კომპოზიცია Fallin იყო, რომელმაც მისი მუსიკალური მიმართულება გამოკვეთა. Janngo Billboard Georgia-ს საერთაშორისო პროექტის „ახალი თაობის მუსიკოსების” ერთ-ერთი წარმომადგენელია, რომელიც ახალგაზრდა და პერსპექტიული არტისტების აღმოჩენას ისახავს მიზნად.
მოუსმინეთ Janngo-ს ახალ სიმღერას და ნახეთ მუსიკალური ვიდეო სიმღერაზე Minute.
არტისტის შემოქმედების გასაცნობად კი ეწვიეთ ბმულს.
