დღეს საღამოს მაყურებლის წინაშე პირველი ნახევარფინალის მონაწილე 15 ქვეყნა წარდგება. კონკურსანტთა სია კი ასე გამოიყურება: საქართველო, ფინეთი, ხორვატია, საბერძნეთი, პორტუგალია, მოლდოვა, შვედეთი, ბელგია, ესტონეთი, ისრაელი, ლიეტუვა, პოლონეთი, მონტენეგრო, სან მარინო და სერბეთი.
წელს საქართველოს სახელით კონკურსზე „ბზიკები“ წარდგებიან. ბენდი, რომელმაც წლების წინ საბავშვო ევროვიზიის კონკურსზე საქართველოს ისტორიული გამარჯვება მოუტანა, ახლა უკვე „ევროვიზიის“ დიდ სცენაზე შეეცდება წარმატების გამეორებას. ქართველი მონაწილეები კონკურსზე მე-6 ნომრად გამოვლენ.
ნახევარფინალისტებიდან ფინალურ შოუზე გადასვლის საგზურს მხოლოდ ათი ქვეყანა მოიპოვებს.
ევროვიზია 2026 სამ ეტაპად არის დაყოფილი. პირველი ნახევარფინალი 12 მაისს იმართება, მეორე – 14 მაისს, ფინალი კი 16 მაისს შედგება.
წელს კონკურსში 35 ქვეყანა მონაწილეობს. წესების თანახმად, მაყურებელს საკუთარი ქვეყნის წარმომადგენლისთვის ხმის მიცემის უფლება არ აქვს.
ევროვიზია 2026 23:00 საათზე დაიწყება. შოუს პირდაპირ ტრანსლაციას ტრადიციულად პირველი არხი უზრუნველყოფს.
