ნინი ნუცუბიძემ და Denivarlevy-მ (ლევან ოქროპირიძე) მსმენელს ერთობლივი სინგლი BLOWUPYOURPHONE წარუდგინეს. ნამუშევარი თანამედროვე ელექტრონულ ჟღერადობას ჰიპ-ჰოპისა და ექსპერიმენტული მუსიკის ელემენტებთან აერთიანებს.
სიმღერის მუსიკალური და პროდიუსერული მიმართულება თავად ნინი ნუცუბიძესა და ლევან ოქროპირიძეს (DenivarLevy) ეკუთვნით. ტექსტის თანაავტორია ზურა ჯიშკარიანი, ბასი დავით გოგისვანიძემ ჩაწერა, სიმღერის მიქსინგსა და მასტერინგზე კი Denivar Levy-მ იმუშავა.
BLOWUPYOURPHONE ორი არტისტის განსხვავებული შემოქმედებითი ხედვების სინთეზია – ნინი ნუცუბიძის მრავალჟანრობრივი და ექსპერიმენტული მიდგომა DenivarLevy-ს ჰიპ-ჰოპის, თრეფისა და ელექტრო რეპის მიმართულებებთან ერთად გამორჩეულ ჟღერადობას ქმნის.
ნინი ნუცუბიძე მუსიკოსი, მომღერალი, სიმღერების ავტორი და პროდიუსერია, რომელმაც სახელი განსაკუთრებული მუსიკალური ხედვითა და შემოქმედებითი ექსპერიმენტებით გაითქვა. აღსანიშნავია, რომ ნინი პირველი ქართველი მუსიკოსია, რომელიც მსოფლიოში ერთ-ერთი ყველაზე გავლენიანი მუსიკალური პლატფორმის, Billboard Women in Music-ის 2024 წლის Global Force ნომინანტთა სიაში წარადგინეს..
DenivarLevy, იგივე ლევან ოქროპირიძე, ქართველი ჰიპ-ჰოპ არტისტი, პროდიუსერი და DJ-ია. მისი მუსიკა ძირითადად ჰიპ-ჰოპს, თრეფსა და ელექტრო რეპს აერთიანებს. BLOWUPYOURPHONE-ში ის პროდიუსინგის, მიქსინგისა და მასტერინგის მიმართულებითაც მონაწილეობს.
BLOWUPYOURPHONE – მრავალშრიანი პროდაქშენითა და ჟანრობრივი ექსპერიმენტებით გამოირჩევა.
მოუსმინეთ ნინი ნუცუბიძისა და DenivarLevy-ს ახალ სიმღერას – BLOWUPYOURPHONE.
