ქართული მუსიკალური სივრცის ორი გამორჩეული ხელოვანი, პიანისტი გიორგი გიგაშვილი და ელექტრონული მუსიკის პიონერი ნიკა მაჩაიძე (Nikakoi), მსმენელს ახალ ერთობლივ ნამუშევარს წარუდგენს. არტისტებმა ლეგენდარული ქართული კომპოზიციის – „ჩუმად გაგიყვან მინდორში“ – სრულიად ახალი, თანამედროვე ვერსია შექმნეს.
ორიგინალური მუსიკის ავტორი რუსუდან (მაცაცო) სებისკვერაძეა, ხოლო ტექსტი ჯანსუღ ჩარკვიანს ეკუთვნის. ეს სიმღერა ათწლეულებია, ქართველი მსმენელის მეხსიერებაში განსაკუთრებულ ადგილს იკავებს, ახალი კოლაბორაცია კი მას სრულიად ახალ სიცოცხლეს სძენს.
კომპოზიციის ინსპირაციად ბოლო ორი წლის განმავლობაში გიორგი გიგაშვილის ცოცხალი პერფორმანსები იქცა. ახალ ვერსიაში ერთმანეთს ორგანულად ერწყმის გიორგი გიგაშვილის ვოკალი და Nikakoi-სთვის დამახასიათებელი, სიღრმისეული ელექტრონული ჟღერადობა.
ნამუშევარს ლეიბლი CES Records 2026 წლის 18 სექტემბერს გამოსცემს.
