ოფიციალურად დადასტურდა, რომ Jay-Z 2027 წლის Super Bowl-ის მუსიკალური შოუს ჰედლაინერი იქნება

იმის გათვალისწინებით, რომ 2027 წლის Super Bowl 14 თებერვალს – ვალენტინობის დღეს იმართება, ფანებს იმედი აქვთ, რომ Jay-სთან ერთად შოუს ბიონსეც შეუერთდება.
Jay-Z ლოს-ანჯელესში, SoFI Stadium-ზე. 2026 წლის 23 ოქტომბერი.
COURTESY OF ROC NATION

Jay-Z 2027 წლის Super Bowl-ის მუსიკალური შოუს ჰედლაინერი იქნება. ეს სიახლე 26 ოქტომბერს, Monday Night Football-ის მსვლელობისას გახდა ცნობილი, როცა ESPN-მა ტაიმების შესვენების წინ სპეციალური განცხადება გააკეთა. გამოქვეყნებულ შავ-თეთრ ვიდეოში 2003 წელს გამოშვებული The Black Album-ის სიმღერა – Public Service Announcement (Interlude) ჟღერს და სტადიონის სავარძელში მჯდომი Jay-Z ჩნდება. ვიდეო იწყება ცნობილი სტრიქონით: „ნება მომეცით, თავი ხელახლა წარგიდგინოთ, ჩემი სახელია HOV – H-დან O-V-მდე“. მოგვიანებით ეს თიზერი სოციალურ ქსელებშიც გამოქვეყნდა.

ოფიციალურ ანონსამდე რამდენიმე დღით ადრე გამოცემა Puck-მა გაავრცელა ინფორმაცია, რომ Jay-Z-იმ, რომელიც 2020 წლიდან Roc Nation-თან ერთად ხელმძღვანელობს ამ შოუს, 2027 წლის სუპერბოულის მთავარ შემსრულებლად საკუთარი თავი წარადგინა. რეპერისგან ამ სიახლის გამოცხადებას საზოგადოება უფრო ადრე ელოდა. ფანები ვარაუდობდნენ, რომ არტისტი Super Bowl-ის მუსიკალური შოუს სიახლეს კალიფორნიაში გამართულ ორ კონცერტზე გაასაჯაროვებდა. მან კონცერტები SoFi Stadium-ზე გამართა – სწორედ იქ, სადაც 2027 წლის სუპერბოული ჩატარდება. ეს კონცერტები განცხადების გარეშე დასრულდა, ისევე, როგორც კვირის NFL-ის თამაშების დღე, თუმცა ახლა სიახლე უკვე ოფიციალურად ცნობილია.

იმის გათვალისწინებით, რომ 2027 წლის Super Bowl 14 თებერვალს – ვალენტინობის დღეს იმართება, ფანებს იმედი აქვთ, რომ Jay-სთან ერთად  შოუს ბიონსეც შეუერთდება, იმ სხვა შესაძლო სპეციალურ სტუმრებთან ერთად, რომლებთანაც რეპერს წლების განმავლობაში უთანამშრომლია.

Jay-Z-ის Super Bowl-ის მუსიკალური შოუს აღმასრულებელი პროდიუსერის ამპლუაში ზედიზედ ექვსი Primetime Emmy-ს ნომინაცია აქვს მიღებული საუკეთესო პირდაპირი მაუწყებლობის კატეგორიაში. Jay-Z-ის ჯილდო გადაეცა 2022 წლის ჰიპ-ჰოპის ვარსკვლავური შოუსთვის, სადაც მონაწილეობდნენ Dr. Dre, Snoop Dogg, მერი ჯეი ბლაიჯი, ემინემი, კენდრიკ ლამარი და 50 Cent, და ამ წლის Super Bowl-ის მუსიკალური შოუსთვის, სადაც ჰედლაინერი Bad Bunny იყო. Jay-Z-იმ მესამე Primetime Emmy 2023 წელს მოიპოვა Rihanna-ს მონაწილეობით გამართული შოუს თანარეჟისორობისთვის.

Share
Tweet
Share
Share
Share

Leave a Reply

წინა სტატია

თბილისის ბაროკო ფესტივალი 2026

თბილისის ბაროკო ფესტივალი 2026 იწყება

შემდეგი სტატია

შერონ ოსბორნი გარდაცვლილი მეუღლის საფლავს ყოველდღე სტუმრობს: „ამას ვერასდროს შეეგუები“

შეიძლება დაგაინტერესოთ

wayward.atom ფოტო: ნინუცა კაკაბაძე

ქართული ელექტრონული მუსიკა საერთაშორისო სცენაზე – wayward.atom-ის გამოცდილება Sonica Glasgow-ზე და სამომავლო გეგმები

თბილისსა და გლაზგოს შორის ახალი კულტურული ხიდი შენდება - 2027 წელს საქართველო ექსპერიმენტული მუსიკის მასშტაბურ შოუქეისს უმასპინძლებს.
მეტი

როგორ ჟღერდა 1998 წელი? თვალი გადავავლოთ წელს, რომელმაც პოპმუსიკა შეცვალა

ჰიპ-ჰოპის მზარდი გავლენიდან ბიჭების მუსიკალური ჯგუფების ბუმამდე – 1998 წელი მუსიკალური გარდაქმნების პერიოდი იყო, რომელმაც საფუძველი ჩაუყარა ახალი ათასწლეულის მუსიკალურ ჟღერადობას.
მეტი