ჰარი სტაილსმა თავის ახალ მუსიკალურ ვიდეოში გადაიღო წყვილი, რომელიც მის კონცერტზე დაინიშნა

მუსიკალური ვიდეო, სახელწოდებით Coming Up Roses 26 ოქტომბერს გამოვიდა.
ჰარი სტაილსი
Coming Up Roses

წყვილმა, რომელიც ახლახან ჰარი სტაილსის კონცერტზე დაინიშნა, პოპვარსკვლავის ყურადღება მიიქცია, რის შემდეგაც მან ისინი თავის ახალ მუსიკალურ ვიდეოში მიიწვია. 26 ოქტომბერს სტაილსმა ახალი კლიპი – Coming Up Roses გამოაქვეყნა. ვიდეოში ის სამეჯლისო ცეკვის კლასს გადის უცნობების ჯგუფთან ერთად, რომელთა შორისაც არიან პატარძლის კაბაში გამოწყობილი ქალი, მიმტანი, კოვბოი და სხვა პერსონაჟები. განსხვავებულობის მიუხედავად, ჯგუფი ერთიანდება, რასაც ვიდეოს ბოლოს საერთო ფოტოს გადაღებით აღნიშნავენ. სწორედ ამ მომენტში ჩნდება ეკრანზე რეალური წყვილი სტაილსის კონცერტიდან.

„ჰარი სტაილსთან შეხვედრას და Coming Up Roses-ის მუსიკალურ ვიდეოში მონაწილეობას ვერასდროს წარმოვიდგენდით,“ – დაწერა მარიველმა Instagram-ზე ვიდეოს გამოსვლის შემდეგ. „მადლობა იმისთვის, რომ ჩვენი ნიშნობა კიდევ უფრო განსაკუთრებული გახადე და ასეთ მნიშვნელოვან ვიდეოში გადაგვიღე. შენ მართლაც ყველაზე თბილი და უბრალოდ საოცარი ადამიანი ხარ,“ – მიმართავს ის მომღერალს.

მან ასევე გააზიარა ფოტო, სადაც საქმროსთან და სტაილსთან ერთად გადაღებების მოედანზეა ასახული და გამოაქვეყნა მომღერლის მიერ ნაჩუქარი ყვავილების ფოტოც. „ჩემთვის დიდი პატივია, რომ თქვენს ნიშნობაში მცირედი წვლილი შევიტანე,“ – წერია სტაილსის ხელით დაწერილ ბარათზე, რომელიც ერთ-ერთ ფოტოზეა აღბეჭდილი.

ამ ამბამდე რამდენიმე კვირით ადრე, მარიველმა Instagram-ზე დაპოსტა, რომ მისმა საქმრომ ხელი სტაილსის ოქტომბრის ტურნეს ფარგლებში, Madison Square Garden-ში გამართულ კონცერტზე სთხოვა.„პირველად ვნახე ჰარი სტაილსი და ეს განსაკუთრებული საღამო იყო, რომელიც სამუდამოდ დარჩება მეხსიერებას,“ – დაწერა მან და გააზიარა ფოტო, სადაც ფრენკი მუხლზეა დაჩოქილი, ასევე კადრი დიდი ეკრანებიდან, სადაც წყვილს აჩვენებენ.

სტაილსს Madison Square Garden-ში კიდევ სამი კონცერტი დარჩა გასამართი, სანამ თავის ტურნეს Together, Together ავსტრალიაში გააგრძელებს. მომავალ წელს კი ტური ჩრდილოეთ ამერიკასა და ევროპაში დამატებითი შოუებით დასრულდება.

Share
Tweet
Share
Share
Share

Leave a Reply

წინა სტატია

ბათუმი შავი ზღვის მუსიკისა და ხელოვნების XIV საერთაშორისო ფესტივალი

ბათუმი შავი ზღვის მუსიკისა და ხელოვნების XIV საერთაშორისო ფესტივალს უმასპინძლებს

შემდეგი სტატია

რაიან გოსლინგის მუსიკალური პროექტი Dead Man’s Bones 17 წლის შემდეგ ახალი სინგლით დაბრუნდა

შეიძლება დაგაინტერესოთ

wayward.atom ფოტო: ნინუცა კაკაბაძე

ქართული ელექტრონული მუსიკა საერთაშორისო სცენაზე – wayward.atom-ის გამოცდილება Sonica Glasgow-ზე და სამომავლო გეგმები

თბილისსა და გლაზგოს შორის ახალი კულტურული ხიდი შენდება - 2027 წელს საქართველო ექსპერიმენტული მუსიკის მასშტაბურ შოუქეისს უმასპინძლებს.
მეტი

როგორ ჟღერდა 1998 წელი? თვალი გადავავლოთ წელს, რომელმაც პოპმუსიკა შეცვალა

ჰიპ-ჰოპის მზარდი გავლენიდან ბიჭების მუსიკალური ჯგუფების ბუმამდე – 1998 წელი მუსიკალური გარდაქმნების პერიოდი იყო, რომელმაც საფუძველი ჩაუყარა ახალი ათასწლეულის მუსიკალურ ჟღერადობას.
მეტი